Азиз ватандошимиз Заҳириддин Муҳаммад Бобур тақдир тақозоси билан Ҳинд юртида улуғ бир салтанат қурди. Бу салтанат тарихга унинг асосчиси номи билан “Бобурийлар давлати " бўлиб кирди. Бобурий ҳукмдорларнинг энг узоқ (тўқсон бир ёш) умр кўрган ва ҳаётининг охирги дақиқаларигача (ярим асрдан кўпроқ) подшоҳликни бошқарган вакили - сулоланинг бешинчи бўғини Аврангзеб Оламгир бўлган. Шунга қарамасдан,маълум сабабларга кўра, унинг бу баракали умри ва подшоҳлик даври, Ҳиндистон тарихининг шу боби фанимизда жуда кам ёритилган. Мана, муҳтарам ўқувчи, қўлингизда у зотнинг ҳаётини ёнгинасида юриб кузатган, ҳар қадами ва ҳар ишига шахсан гувоҳ бўлган бир инсоннинг хотира китоби