«Lotin tili va tibbiy farmatsevtik terminologiya asoslari» fani o'quv qoʻllanmasi tibbiyot oliygohi talabalari uchun fan namunaviy dasturi asosida yozildi. O'quv qoʻllanma 3 ta yoʻnalish - anatomiya, klinika va farmatsevtika boʻlimi uchun kiritilgan boʻlib, u fundamental va mutaxassislik fanlarini integral oʻqitishda talabalarga, ilmiy izlanuvchilarga yaqindan yordam beradi. Uch boʻlimdan iborat boʻlgan mazkur qoʻllanmada barcha grammatik mavzular keng yoritildi. Stomatologiya oliygohi barcha fakultetlari uchun leksik minimumlar hamda nazorat ishlari variantlari kabi qismlar kiritildi. Mazkur qoʻllanmaning maqsadi talabalarni lotin tilida tibbiy matnlarni oʻqish, anatomik atamalarni tarjima qilish va tushunishga tayyorlash, bemorga klinik tashxisni toʻgʻri qoʻyish, terminlarni grammatik va orfografik jihatdan retseptni toʻgʻri yozishdir. Mazkur oʻquv qoʻllanma Toshkent davlat stomatologiya institutining barcha fakulteti birinchi kurs talabalari uchun lotin tili fanini oʻzlashtirishda tavsiya etiladi.