Mamlakatimizda jismoniy tarbiya va sportning rivojlanishini ilmiy asosda ta’minlash masalalariga juda katta e’tibor berilmoqda. Ayniqsa, bu borada mazkur yo‘nalishga oid fanlarni rivojlantirish, sport va jismoniy tarbiya tadbirlarini ilmiy asosda tashkil etish, ilmiy infrastrukturani rivojlantirish hamda ushbu jarayonlarda ilm-fan yutuqlari va sport sohasidagi ilg‘or jahon tajribasiga tayanish muhim ahamiyat kasb etadi. Sog‘lom turmush tarzini shakllantirish, milliy genafondni yanada sog‘lomlashtirish, barkamol avlodni tarbiyalash davlat siyosatining ustuvor yo‘nalishlaridan biri deb belgilangan. Qisqa muddatda bu sohada olib borilgan keng ko‘lamli amaliy harakatlar o‘z samarasini bera boshlagan.