Har qanday tarix o'tmish va kelajak o'rtasidagi ko'prikdir. U xalqning, millatning o'tmishi, bugungi taraqqiyoti va kelajak istiqbollaridan xabardor etadi. Pedagogika nazariyasi va tarixi fanining pedagogika tarixi bo'yicha seminar mashg'ulotlar uchun tuzilgan mazkur o'quv qo'llanmadagi mavzularning har biri o'ziga xos yondashuv asosida-chizmalar, jadvallar va turli eslatmalar orqali berilgani uchun ular o'qituvchi va talabalarning foydalanishiga qulaylik tug'diradi. O'quv qo'llanma pedagogika tarixi fanining dasturi asosida seminar mashg'ulotlar rejasiga mo'ljallab tuzilgan. Shu bilan birga har bir mavzuga oid mustaqil tayyorlanish uchun berilgan savollar, mushohada yuritish, eslab qolishga doir asosiy qoida va misollar talabalarda qiziqish uyg'otadi, mustaqil izlanishga tavsiya etilgan adabiyotlarni o'qib tahlil qilishga undaydi