"Tarjima nazariyasi” nornli o'quv qo'llanma ToshDShUning "Tarjimashunoslik va xalqaro jurnalistika" kafedrasida mualliflar: E.Ochilov va N.Xodjayevalar tomonidan 5120200 - "Tarjima nazariyasi va amaliyoti (sharq tillari bo'yicha)" bakalavr yo'nalishi talabalari uchun “Tarjima nazariyasi" fani o'quv dasturiga muvofiq ishlab chiqilgan. Jahon tarjimashunosligining eng so'nggi yutuqlari asosida yaratilgan ushbu qo'llanmada g'arb va sharq tarjima nazariyasining asosiy tamoyillari bilan bog'liq mavzular yoritilgan. Shuningdek, o'quv qo'llanma so'nggida fanga oid terminlarning kengaytirilgan lug'ati (glossariy) ham keltirilgari. Tarjima nazariyasiga oid qimmatli ma’lumotlar joy olgan ushbu qo'llanmadan bakalavriat yo'nalishi talabalaridan tashqari, magistrantlar, izlanuvchilar va o'qituvchilar, tarjima nazariyasi, tanqidi bian shug'ullanuvchi soha mutaxassislari ham foydalanishlari mumkin.