Ma’naviyat haqida ko‘p gapirish, yozish mumkin. Ammo, ma’na­viyat falsafa emas, dunyoni har qancha izohlab, qonun-qoidasini tushuntirib berganingiz bilan siz aqlli, bilimdon, mantiqiy fikrlovchi sifatida qadrlanishingiz mumkin, lekin, bular sizni ma’naviy barkamol ekanligingizdan dalolat bermaydi. Yana siz o‘ta iste’dodli bo‘lishingiz, Vatan, mustaqillik haqida ajoyib qasidalar bitishingiz mumkin. Albatta, iste’dod ham ma’naviyat nishonasi, ammo, ta’rifi tavsiflar bilan Vatan ravnaqi ta’minlanmaydi, mustaqillik mustahkamlanmaydi. Mustaqillik ma’naviyatining bosh mezoni, asosiy poydevori, mas’uliyatdir. Shu bois hamisha mustaqilligimizni asrab-avaylashimiz, mustahkamlashga hissa qo‘shishimiz shart.