Ushbu qo'llanmadan farmatsevtika instituti va qishloq xo'jaligi oliy o'quv yurtlarining dorivor o'simliklarni yetishtirish bilan shug'ullanuvchi bakalavriatura va magistratura talabalari ham foydalanishlari mumkin. Mazkur qo'llanmada har bir o'simlikning botanik tavsifi, tarqalishi, kimyoviy tarkibi, tibbiyotda qo'llanishi va yetishtirish texnologiyasi haqidagi ma'lumotlar keltirilgan. Talabalar mashg'ulot davomida markaziy nerv tizimini tormozlovchi va rag'batlantiruvchi, yurak-tomir tizimiga ta'sir etuvchi, nafas a'zolariga, me'da-ichak jigar faoliyatiga ta'sir etuvchi, qon oqishini to'xtatuvchi, vitaminlar saqlaydigan va gijjani tushirishda foydalaniladigan dorivor o'simliklar bilan tanishadilar va ularni yetishtirish texnologiyasi uslublarini o'rganadilar.