Истиқлол йилларида мамлакатимизда улкан бунёдкорлик ишлари амалга оширилмоқда, халкимиз ҳаётида ниҳоятда катта узгаришлар руй бермокда. Таълим соҳасида ижтимоий фанларнинг янги тизими шаклланмокда. Шу билан бирга, бу фанлар мутахассисларини тайёрлашнинг мазмун-моҳияти ўзгариб, янги ўқув дастурлари, қўлланма ва дарсликлар чоп этилмокда. Маълумки, «Билиш фалсафаси» республикамиз олий ўқув юртларидаги «Фалсафа», «Миллий истиқлол ғояси, хуқуқ ва маънавият асослари» ихтисосликлари буйича таълим олаётган талабалар учун мутахассислик фанларидан бири бўлиб ҳисобланади. Мазкур китоб шу йуналишдаги талаблар асосида тайёрланган дастлабки қўлланмадир. Унда жаҳон фалсафаси тарихидаги билиш масаласига оид турли олимлар, ғоя ва таълимотлар, мазкур фаннинг тарихий тараққиёт босқичлари, билишнинг фалсафий мазмуни, намоён бўлиш шакллари, ҳақиқат ва амалиёт, замонавий гносеологиянинг долзарб муаммолари билан боглик масалалар қисқа таҳлил қилинган.