Mazkur o`quv qo`llanma Kamoliddin Behzod nomidagi Miiliy rassomlik va dizayn instituti bakalavriat bosqichining 5151200 - san'atshunoslik (muzeyshunoslik: konservatsiya va badiiy yodgorliklami saqlash); 5150800 - rangtasvir (dastgohli rangtasvir) ta'lim yo`nalishlarida tahsil olayotgan talabalar uchun mo`ljallangan. Unda jahon tasviriy san`atidagi afsona va rivoyatlarga oid barcha ma'lumotlar ilk bor jamlanib, umumlashtirilgan. Kitob uch bobdan iborat. Birinchi bobda Qadimgi Sharq hududlari qamrab olingan. Jumladan, Qadimgi Misr, Qadimgi Old Osiyo va Qadimgi Xitoy buddaviylik dinida tilga olingan afsonalarning tasviriy san'at rivojidagi o`rni va ahamiyati o'rganilgan. Ikkinchi bobda esa Qadimgi G'arb afsona va rivoyatlari tahlil qilingan. Unda Qadimgi Yunon, Qadimgi Rim mifologiyasi, nasroniylik va yahudiylik dini bilan bog`liq holda yaratilgan afsona va rivoyatlarning tasviriy san'at asarlaridagi ifodasi ko`rib chiqilgan. Qo`lIanmaning alohida bobi O`zbekiston hududida yaratilgan afsonaviy obrazlar tarixiga bag`ishlangan. Unda dastlab Qadimgi dunyo tasavvurlari asosida shakllangan ibtidoiy tasvirlar, zardushtiylik e'tiqodi, Firdavsiyning "Shohnoma"dostonida aks etgan afsonaviy lavhalar, islom dini, xonliklar davri, sobiq ittifoq va Mustaqillik davri tasviriy san'atida afsonaviy mavzular har tomonlama jiddiy va chuqur o`rganilgan. Qo`llanmadan tasviriy san’at tarixi, diniy kult va mifo epik mavzularni o`rganishni istagan bo`lajak san'atshunoslar, rassomlar va barcha qiziquvchilar ham keng foydalanishlari mumkin.