Электротехника — фан ва техниканинг электр энергиясини ишлаб чикариш, узатиш, тақсимлаш ва ундан турли-туман мақсадларда фойдаланиш билан шуғулланувчи соҳасидир. Электротехниканинг умуман инсон хаётидаги мухим ахамияти хисобга олиниб, у жадал суръатлар билан ривожлантирилди. Бу эса пировардида тарихан ғоят қиска вакт мобайнида мамлакатимизнинг техника иқтисодий пойдеворини мустахкамлашга имкон берди. Айниқса интенсив техника иктисодий тараққиёт даврида, буюк ижтимоий ва иқтисодий ўзгаришлар асрида электр энергиясининг ва умуман электротехниканинг ахамияти бенихоя ўсди. Эндиликда саноат ва кишлок хужалигининг, транспорт ва қурилишнинг, ҳатто космонавтиканинг бирор сохаси йуқки, у электротехника билан боғланмаган бўлсин. Қисқаси инсоннинг яратувчанлик фаолиятини, унинг кундалик мехнати ва хаётини эндиликда электротехникасиз тасаввур қилиб хам булмайди.