Ushbu o'quv qo'llanmaning bosh maqsadi bo'lajak filologlarni to'g'ri fikrlashning mantiqiy shakllari va qonun-qoidalari bilan tanishtirish, asosli xulosalar hosil qilish tamoyillarini o'rgatish hamda shu asosda ularda murakkab mantiqiy-lingvistik masalalar va mashqlarni yechish malakasini shakllantirishdan iborat. Qo'llanma talabalarning obyektiv borliq hodisalarini ilmiy-falsafiy tahlil qilish ko'nikmasini o'stirishga, mustaqil, erkin va ijodiy fikr yuritish qobiliyatini takomillashtirishga bevosita xizmat qiladi.