Real siyosiy jarayonlar har bir jamiyat va davlatda o‘ziga xos va turlidir. Siyosiy vaziyat o‘zgaruvchan va shuning uchun jamiyatni boshqarish va hokimiyatni amalga oshirish jarayonlari ham o‘zgarib turadi va turli voqeliklarning murakkablashuvi bilan belgilanadigan, voqealar jarayoniga real ta’sir ko‘rsata oladigan omillarga asoslanadi. Shuning uchun siyosiy maydonda aniq vazifa yoki muammoning yechimini topish, nafaqat shaxs tomonidan ularga erishish maqsad va vositalarining anglanishini, balki ularni amaliyotga tadbiq etishning aniq usullarini ishlab chiqishni ham, ya’ni vazifalarni yechishning ma’lum texnologiyalarini qo‘llashni, nazarda tutadi. Ma’ruzalar matni namunaviy dastur va ta’lim yo‘nalishining o‘quv rejasi asosida tuzilgan.