Mazkur o'quv qo'llanma, oliy o'quv yurtlarining fizika ta'lim yo'nalishlari uchun mo'ljallangan laboratoriya mashg'ulotlarini uzoq yillar davomida olib borish hisobiga to'planilgan tajribalar va rivojlangan xorijiy mamlakatlar oliy o'quv yurtlarining keyingi yillarda qo'llayotgan fizika fanining dasturlaridan foydalanildi. Qo'llanmaga kiritilgan har bir laboratoriya ishida qat'iy ketma-ketlikka rioya qilingan. Dastlab ishning maqsadi, so'ngra ish to'g'risida qisqa va aniq nazariy ma'lumot bayon etiladi. Bu o'rinda shuni ta'kidlash kerakki, mualliflar talabalarning vaqtini tejash maqsadida imkon boricha ishning nazariyasini uning tavsifida yetarli darajada to'la yoritishga harakat qilganlar. Laboratoriya mashg'ulotlarni bajarishda, mos ravishda ilg'or pedagogik texnologiyalardan foydalanish usullari namuna sifatida yoritilgan. Talaba yanada chuqurroq va atroflicha keng nazariy bilimlarni qo'llanmada hamda har bir laboratoriya ishi uchun tavsiya etilgan darslik va o'quv qo'llanmalardan ham o'zlashtirishi mumkin.