Stress psixologiyasi insonning tashqi va ichki omillarga nisbatan bildiradigan ruhiy hamda fiziologik reaksiyalarini, stressning yuzaga kelish mexanizmlarini va shaxsning emotsional barqarorligiga ta'sir etuvchi omillarni o'rganuvchi psixologiya fanining muhim yo'nalishlaridan biridir. Ushbu soha stressorlarning tabiati, ularning kognitiv baholanish jarayonlari, shaxsning moslashuv strategiyalari hamda stressni boshqarish usullarini ilmiy asosda izohlaydi. Stress psixologiyasi shaxsning psixik salomatligini mustahkamlash, stressni kamaytirish va sog'lom moslashuvni rivojlantirishga xizmat qiluvchi nazariy hamda amaliy tamoyillarni yoritadi. Mazkur qoʻllanmada stressning psixologik jarayonlari ilmiy nuqtai nazardan tahlil qilinib, ularni samarali boshqarish bo'yicha zarur bilimlar bayon etilgan.