Mazkur o'quv qo'llanma 60510100- Biologiya bakalavriat ta'lim yo'nalishi talabalari uchun egallagan nazariy bilimlarini amaliy jihatdan o'rganish va ularni amaliyotda qo'llashga doir ko'nikmalar hosil qilishlarida yordamchi manba hisoblanadi. O'quv qo'llanma talabalarga xozirgi zamon biologiyasi va chegaradosh fanlar yutuqlariga asoslangan yangi fan yo'nalishlari yaratish va uning nazariy asoslarini o'rgatish hamda ularni amaliyotda tadbiq etish ko'nikmasini hosil qilishdan iborat. Zamonaviy ilmiy ma'lumotlarga muvofiq o'qitishning dastlabki shakllari, maktab va uni boshqarilishi, shu bilan birga o'qitish metodlari klassifikatsiyasi, dars, darsni tashkil etish, uy vazifalari, darsdan va sinfdan tashqari ishlar, to'garaklar, ekskursiyalar, o'quv xonalarini jihozlash, zamonaviy va ilg'or pedagogik texnologiyalar, xorij tajribasini o'rganish bo'yicha ma'lumotlar keltirilgan. Biologiya bakalavriat yo'nalishi talabalarining auditoriyada amaliyot jarayonida samaradorlikka erishish uchun qo'llanmadagi ma'lumotlardan samarali foydalanishlarini tavsiya qilamiz.