O‘quv qo‘llanma oliy ta’lim muassasalarining 60210500 –“Rangtasvir (dastgohli rangtasvir)” ta’lim yo‘nalishi 3–4-kurs talabalari uchun mo‘ljallangan bo‘lib, chizmatasvir fanining nazariy va amaliy bilimlarini chuqurlashtirish hamda kasbiy kompetensiyalarni rivojlantirishga xizmat qiladi. Qo‘llanmada ijodiy chizmatasvir metodikasi, eskiz va xomaki chizgilar, yoddan va xotiradan rasm ishlash, interyer va eksteryerni tasvirlash, perspektiva qonuniyatlarini amalda qo‘llash, shuningdek, inson qomatining plastik-anatomik tuzilishi, konstruktiv qurilishi va proporsional nisbatlari bo‘yicha nazariy hamda amaliy tavsiyalar yoritilgan. Qo‘llanma klassik akademik tasviriy san’at an’analari va zamonaviy pedagogik yondashuvlar uyg‘unligi asosida tayyorlangan bo‘lib, talabalarning kuzatuvchanligi, fazoviy tafakkuri,tasviriy xotirasi va ijodiy qobiliyatlarini rivojlantirishga xizmat qiladi hamda tasviriy san’at yo‘nalishi talabalari, magistrantlar va pedagoglar uchun ‘quv-metodik manba sifatida tavsiya etiladi.