Mazkur o'quv qo'llanmada diskret tuzilmalarning asosi bo'lgan matematik mantiq va diskret matematikaning muhim bo'limlari izchil va tizimli ravishda yoritilgan. Qo'llanmada to'plamlar, fikrlar algebrasi, mantiqiy ifodalar va ularni soddalashtirish usullari, mukammal normal shakllar (MDNSh, MKNSh), Karno kartalari, yechimlar daraxti, chekli avtomatlar hamda mantiqiy sxemalarda analiz va sintez masalalari keng yoritilgan. Har bir mavzu nazariy asoslar, tushuntirishlar va amaliy misollar bilan boyitilgan bo'lib, talabalarda mantiqiy fikrlash, tahlil qilish va modellashtirish ko'nikmalarini shakllantirishga xizmat qiladi. Qo'llanmada keltirilgan materiallar raqamli texnologiyalar, dasturlash, avtomatlashtirish va axborot xavfsizligi sohalarida zarur bo'lgan bilimlarni egallashga yordam beradi.