Huquq-tartibot idoralari va harbiy sohada psixologik xizmat inson omilini chuqur anglash, kasbiy barqarorlikni ta'minlash va stressli vaziyatlarda samarali faoliyat yuritishni qo'llab-quvvatlashga qaratilgan tizimli faoliyatdir. Ushbu sohada xizmat qiluvchi mutaxassislar o'z faoliyati davomida yuqori darajadagi emotsional bosim, xavfli sharoitlar va mas'uliyatli qarorlar qabul qilish zaruratiga duch keladilar. Shu bois, psixologik xizmat xodimlarning ruhiy tayyorgarligini mustahkamlash, stress va travma oqibatlarini bartaraf etish, jamoada sog'lom psixologik muhitni shakllantirishda muhim ahamiyat kasb etadi. Mazkur o'quv qo'llanma huquq-tartibot va harbiy tizimda psixologik xizmatni tashkil etishning nazariy asoslari, amaliy yo'nalishlari hamda zamonaviy psixoprofilaktika va reabilitatsiya usullarini yoritishga xizmat qiladi.