Mazkur o'quv qo'llanma 70610304-"ma'lumotlar ilmi (Data Science)" magistratura ta'lim yo'nalishi talabalari uchun mo'ljallangan bo'lib, katta hajmdagi ma'lumotlarni yig'ish, saqlash, qayta ishlash va tahlil qilish uchun samarali ma'lumot infratuzilmasini loyihalash va boshqarishni o'rgatadi. Ushbu qo'llanmada Ma'lumotlar muhandisligi (Data Engineering) fani va uning komponentlari, O'zbekistonda fanning rivoji, uzluksiz ta'lim tizimi, davlat ta'lim standartlari, didaktik tamoyillar, elektron resurslardan foydalanish usullari, dars va amaliyotlarning tashkiliy shakllari, nazorat va baholash metodlari hamda zamonaviy ma'lumotlarni qayta ishlash, tahlil qilish yondashuvlari va dasturiy ta'minot bilimlari batafsil tahlil qilinadi. Ushbu qo'llanma muhandis-dasturchi, pedagog-tadqiqotchi, magistratura talabalari uchun muhim nazariy asos hamda amaliy ko'rsatmalar manbai hisoblanadi.