Mazkur o'quv qo'llanma "Korxona jihozlari" fanidan amaliy mashg'ulotlarni bajarish uchun mo'ljallangan bo'lib, 60710100 Kimyoviy texnologiya (ishlab chiqarish turlari bo'yicha) hamda Kimyo muhandisligi ta'lim yo'nalishi talabalari uchun ishlab chiqilgan. Qo'llanmada sanoat qurilmalarining asosiy konstruktiv elementlarini hisoblash usullari bosqichma-bosqich bayon etilgan, jumladan, gardishlar, tagliklar va qopqoqlarning ichki hamda tashqi bosim ostidagi mustahkamlik hisoblari tizimli yoritilgan. Shuningdek,, aralashtirgichlar, kristallizatorlar va sharli tegirmonlar kabi asosiy texnologik uskunalar ishini tavsiflovchi formulalar va bog'liqliklar keltirilgan. Alohida bo'limlar kimyo sanoatining muhim jarayonlari bo'lgan quritish, ekstraksiya, absorbsiya hamda kontakt qurilmalari hisobi amaliy misollar bilan mustahkamlangan.