Ўқувчиларнинг фазовий тасаввурларини кенгайтиришда, ижодий ва конструкторлик қобилиятларини ривожлантиришда ва уларни мантиқий фикрлашга ўргатишда ясашга доир гео- метрик масалалар ечишнинг ғоят катта аҳамияти бор. Ўқувчиларда бундай қобилиятларни тарбиялаш, айниқса, бизнинг социалистик Ватанимизда катта аҳамиятга эга, чунки техникамизнинг кенг миқёсда ривожланиб бориши келажакда инженер, техник ва конструктор бўлиб етишувчи ўқувчилари- миздан шундай қобилиятга эга бўлишни талаб этади. Аммо конструктив масалалар ечишга доир адабиётнинг ўзбек тилида жуда камлиги педагогика институти студентларининг конст- руктив геометриядан етарли даражада пухта билим олишла- рини ва ўрта мактаб ўқитувчиларининг ишини анча қийинлаш- тирмоқда.