Qo'lingizdagi mazkur mo'jaz o'quv qo'llanma butun dunyodagi ilk sivilizatsiya o'choqlari, xususan, qadimgi Yaqin Sharqda paydo bo'lgan eng qadimiy tarixiy yozuv shakllaridan tortib, hozirgi global zamongacha bo'lgan davrni qamrab oladi. Albatta, bunday ulkan davrni ushbu muxtasar kitobda batafsil qamrab olish imkonsiz bo'lardi. Mana shundan kelib chiqqan holda, muallif uni "Tarixning qisqacha tarixi" deb nomlab, o'tmishda kechgan, dunyo tarixiga ta'sir ko'rsatgan asosiy voqealarnigina batafsil yoritib o'tadi. Shu bois ham mazkur o'quv qo'llanma jahon tarixini o'rganayotganlar bilan birga uni o'qitayotganlar uchun ham mukammal kirish hisoblanadi. Kitob aynan shu jihati bilan ahamiyatlidir.