Folklorshunoslikning tarixini faqat 1846-yilda «folklor» atamasi ilk bor qo'llanilgan paytdan boshlab hisoblaydigan bo'lsak, qariyb bir yarim asrlik ta'riflar, tushunchalar va amaliyotlarni ko'rib chiqishimiz kerak bo'ladi. Dan Ben-Amosning ilmiy faoliyati ushbu fan tarixining uchdan bir qismini qamrab olgan. Garchi u folklorshunoslik sohasida keng ko'lamli ishlar qilgan bo'lsa-da, uning asarlarida asosiy folklor ta'riflari, atamalari va tushunchalarini tadqiq va tanqid qilish, kengaytirish va qayta ko'rib chiqish asosiy mavzu boʻlib kelgan. Mazkur qo'llanmada uning o'tkir sharh va tanqidiy qarashlarini qamrab olgan eng sara maqolalari to'plangan. Ushbu maqolalarni o'qish orqali talabalar sohaning intellektual tarixi bilan tanishadilar, olimlar esa uni qayta ko'rib chiqish imkoniga ega bo'ladilar. Ular folklorning keng qamrovli intellektual oqimlar va masalalar bilan chuqur aloqalarini anglab yetadilar. Eng muhimi, folklorshunoslarga quyidagi savollarga javob topish uchun mustahkam asos yaratiladi: Biz nima qilmoqdamiz? Buni qanday amalga oshiryapmiz? Va nima uchun?