Ushbu oʻquv qoʻllanma “Dizayn” kafedrasining yuqori kurs talabalari uchun moʻljallangan. Oʻquv qoʻllanma BIM tеxnologiyalari asoslari boʻyicha tayanch bilimlarni beradi. Bu predmetni oʻrganish talabalarga nafaqat loyihalash texnologiyalarini va qurilish sanoatidagi bogʻliqliklarni, qo’shimcha ravishda texnologiyaning xususiyatlari va qonuniyatlarni ham oʻrgatadi. Butun nazariy materiallar auditoriyada bajariladigan amaliy va mustaqil ishlar seriyasi orqali oʻzlashtiriladi. Oʻquv qoʻllanma arxitektura muhitlari dizayni talabalari uchun ham, boshqa oliy va oʻrta maxsus ta’lim muassasasi talabalari uchun ham ahamiyatlidir. Sodda qilib aytganda, o‘quvchini bino inshootlar ma’lumotlarini modellashtirishning yangi dunyosi bilan tanishtiradi va bu dunyoni boshqarishga yordam berishga undaydi.