Ushbu darslik iqtisodiyot ta'lim yo'nalishida tahsil olayotgan bakalavrlar uchun mo'ljallangan bo'lib, "Iqtisodchilar uchun matematika" fan dasturiga moslashtirib yozilgan. Darslikda chiziqli algebra, analitik geometriya, matematik tahlil, oddiy differensial tenglamalar va qatorlar nazariyasiga doir materiallar keltirilgan. Bu darslikka kirilgan materiallar ma'lum bir doiradagi iqtisodiy muammolarning matematik modellarini tuzish hamda ularning optimal yechimini topishda yordam beradi. Darslik talabalarning fan bo'yicha nazariy bilimlarini chuqurlashtirishga, ma'ruza darslarida berilgan tushunchalarni kengroq bilib olishiga yordam beradi. Darslikka mavzular bo'yicha nazorat ish variantlari kiritilgan. Darslik iqtisod ta'lim yo'nalishidagi bakalavriat uchun moʻljallangan ta'lim standartlari va oʻquv rejasi talablariga javob beradi.