“Болалар ғайриижтимоий ҳаракатларининг олдини олиш борасидаги долзарб вазифалар ва устувор йўналишлар” китоби жамиятда болалар ва ўсмирлар ўртасида учраётган девиант хулқ-атвор муаммоларини таҳлил қилиш, уларнинг келиб чиқиш сабабларини аниқлаш ҳамда самарали профилактика чораларини ишлаб чиқишга бағишланган. Китобда болаларнинг ғайриижтимоий ҳаракатлари тушунчаси, унинг психологик, ижтимоий ва ҳуқуқий асослари кенг ёритилган. Шунингдек, оила, таълим муассасалари ва маҳалла институтининг ўрни, тарбиявий муҳитнинг аҳамияти, ахборот маконининг таъсири каби омиллар илмий-назарий жиҳатдан таҳлил қилинган. Асарда болалар ўртасида ҳуқуқбузарлик ва салбий хулқ-атворнинг олдини олишга қаратилган замонавий ёндашувлар, инновацион педагогик ва психологик усуллар, ҳамкорлик механизмлари ҳамда профилактик ишлар самарадорлигини ошириш бўйича амалий тавсиялар берилган. Китоб педагоглар, психологлар, ижтимоий ходимлар, ҳуқуқни муҳофаза қилувчи органлар ва ота-оналар учун мўлжалланган бўлиб, болалар тарбияси ва уларни соғлом ижтимоий муҳитда шакллантиришда муҳим манба ҳисобланади.