Иқтисод фанлари доктори, профессор, "Турон" фанлар академиясининг академиги Муҳаммадюнус Пардаев илмий фаолияти давомида 2000 тадан (икки мингта) ортиқ илмий-назарий, услубий, маънавий-маърифий, бадиий-публицистик асарлари билан ўқувчиларга таниш. Мазкур маърифий тўпламда битилган сўзлар ҳам ўзиннг самимийлиги, халқчиллиги, миллийлиги, чуқур мушоҳада ва маънога эгалиги ҳамда ўта содда ифодаланганлиги билан ажралиб туради. Ушбу битиклар инсон ҳаётида маънавий ҳамроҳ сифатида хизмат қилади. Чунки ушбу китобда инсонни иймон-эътиқодини мустахкамлашга, комил инсонни шакллантиришга, асл кадриятларни тараннум этишга, Ватанни, ота-онани, оилани ва бутун инсонларни севишга чорлайдиган ҳикматлар ва турли мақолалар тўпланган.