Ushbu o‘quv qo‘llanmada botanika fanining asosiy bo‘limlari bo‘yicha amaliy mashg‘ulotlarni bajarish usullari bayon etilgan. Kitobda o‘simlik hujayrasi, to‘qimalari, ildiz, poya, barg, gul, meva va urug‘ning morfologik hamda anatomik tuzilishini o‘rganishga oid laboratoriya ishlari keltirilgan. Har bir mavzu bo‘yicha ishning maqsadi, kerakli jihozlar, bajarish tartibi va nazorat savollari berilgan. Qo‘llanma biologiya va qishloq xo‘jaligi yo‘nalishida tahsil olayotgan talabalar uchun mo‘ljallangan hamda o‘simliklarni amaliy jihatdan o‘rganish ko‘nikmalarini shakllantirishga xizmat qiladi.