Mazkur o’quv qo’llanma asosan Qo’g’irchoq teatri aktyorligi yo’nalishlarida “Sahna nutqi” fanining nazariy – amaliy tizimlarini o’rganish va o’zlashtirishning uslubiy asoslarini o’qitish uchun mo’ljallangan bo’lib, unda nutq texnikasi, artikulyatsiya, diktsiya nafas va ovoz ustida ishlash bo’yicha umumiy mashqlar kiritilgan. O’quv qo’llanmaning so’z ustida ishlash boblarida esa turli janrdagi adabiy matnlar tahlili, manzaraviy parchalar, tez aytish, maqol va matallar ijrosida nutqiy ohangdorlikka erishish, monolog, dialoglar, she’r, masal, ruboiy va g’azallar ustida ishlash natijasida nutqda ifodaviylikka erishish usullari bo’yicha tavsiyalarni o’z ichiga olgan. O’quv qo’llanma san’at va madaniyat institutlari hamda kollejlari talabalari, shuningdek, sahna nutqi bilan qiziquvchi san’at ixlosmandlariga mo’ljallangan.