Китобда қадимги даврлардан то ҳозирги кунгача бўлган тарихий босқичлар, турли этнос ва қабилаларнинг келиб чиқиши, уларнинг ўзаро маданий алоқалари ҳамда давлатчилик анъаналари илмий асосда таҳлил қилинади. Муаллиф археологик топилмалар, ёзма манбалар ва замонавий тадқиқотларга таяниб, Ўзбекистон ҳудудининг кўп миллатли ва бой маданий меросга эга эканини кўрсатади. Асарда туркий халқлар, шунингдек, бошқа этник гуруҳларнинг ижтимоий-сиёсий ва маданий тараққиётига алоҳида эътибор қаратилган. Китоб ўқувчиларда миллий бирлик, бағрикенглик ва тарихий хотирага ҳурмат туйғусини шакллантиришга хизмат қилади. Мазкур асар талабалар, тадқиқотчилар ва тарихга қизиқувчи кенг китобхонлар оммаси учун мўлжалланган.