“Übungen zur deutschen Lexikologie” — nemis tili leksikologiyasi bo‘yicha nazariy bilimlarni mustahkamlash va amaliy ko‘nikmalarni rivojlantirishga mo‘ljallangan o‘quv-amaliy qo‘llanmadir. Asarda nemis tilidagi so‘zning tuzilishi, ma’no turlari, leksik birliklarning o‘zaro munosabati, sinonimiya, antonimiya, omonimiya, frazeologiya va o‘zlashmalar kabi asosiy bo‘limlarga doir mashqlar tizimli ravishda berilgan. Qo‘llanma talabalar va til o‘rganuvchilariga: leksik birliklarni chuqur tahlil qilish, semantik o‘zgarishlarni aniqlash, kontekstdagi so‘z ma’nosini to‘g‘ri talqin qilish, lug‘aviy boylikni kengaytirish imkonini beradi. Mashqlar turli bosqichlar uchun moslashtirilgan bo‘lib, nazariy qoidalarning amaliy qo‘llanilishini mustahkamlaydi.