Ўқув қўлланмада иқтисодий хавфсизликни таъминлашнинг назарий асослари ва устувор йуналишларига бағишланган мавзулар ёритилган. Ушбу мавзуларда иқтисодий хавфсизлик ва таҳдид тушиунчаларининг мохияти. Уларнинг намоён бўлиш шакллари, хавфсизликни таъминлаш механизмлари ва ижтимоий-иқтисодий ахамияти очиб берилган. Ўқув қўлланмада баён қилинган хар бир мавзуда Ўзбекистон Республикасида иқтисодий хавфсизликни таъминлашнинг ўзига хос хусусиятлари ва тенденциялари, устувор йуналишлари тақдим килинган. Ўқув қўлланма муаллиф иштирок этаётган ПЗ-20170928187 ракамли “Мамлакатнинг иқтисодий хавфсизлигини ва рақобатбардошлигини таъминлаш меҳанизмини такомиллаштириш йуллари”, ПЗ-20170929167 ракамли “Децентрализация механизмларини ишлаб чиқиш махаллий бюджетлар даромад базасини мустахкамлаш ва худудларни ижтимоий ривожлантириш омили сифатида” мавзуларидаги илмий-амалий грантлар доирасида бажарилди. Ўқув қўлланма профессор-ўқитувчилар, иқтисодиёт йуналишларида тахсил олаётган талабаларга, иқтисодий хавфсизлик сохасида илмий иш олиб бораётган мутахассис ва тадқиқотчиларга хамда ушбу фанга қизиқувчи кенг китобхонлар оммасига мулжалланган. Ўқув қўлланма Мирзо Улугбек номидаги Ўзбекистон Миллий университети Иқтисодиёт фақультети Кенгашининг 2019 йил 28 февралдаги мажлиси (7-сонли баённома), университет услубий Кенгашининг 2019 йил 26 мартдаги мажлиси (4-сонли баённома) карорларига асосан нашрга тавсия этилган.