Mazkur o'quv qo'llanmada moliyaviy menejmentning nazariy va kontseptual asoslari, moliyaviy menejmentning maqsadi va funksiyalari, korxonalarda moliyaviy menejmentni tashkil etishning asosiy xususiyatlari, moliyaviy menejmentning axborot ta‘minot tizimi, aktivlarni boshqarish siyosati, korxonalarda moliyaviy menejmentni tashkil etishdagi muhim elementlardan biri sanalgan risk menejmentini tashkil etish va uning o'ziga xos xususiyatlari, korxonalarda moliyaviy barqarorlikni ta‘minlash jarayonlari va bugungi kunda dolzarb masalalardan biriga aylanib borayotgan korxonalarda inqirozga qarshi moliyaviy boshqaruvni tashkil etishning nazariy jihatlari kabi masalalar yoritilgan. O'quv qo'llanmaning maqsadi – talabalar, iqtisodchilar, moliyachilar, tadqiqotchilar uchun moliyaviy menejmentning nazariy va tashkiliy asoslari haqida ma‘lumotlar berishdan, iqtisodiyotni modernizatsiyalash hamda korxonalarda zamonaviy boshqaruv tizimlarini takomillashtirish jarayonlarida mamlakatimizda moliyaviy menejmentni tashkil etishdagi xorijiy davlatlarning ilg'or tajribalaridan samarali foydalanish yo'llarini ko'rsatishdan iborat. O‘quv qo‘llanma Muxammad al-Xorazmiy nomidagi Toshkent axborot texnologiyalari universiteti talabalari uchun mo‘ljallangan.