Ushbu o‘quv qo‘llanmada 60711400- Texnologik jarayonlar va ishlab chiqarishni avtomatlashtirish va boshqarish (tarmoqlar bo‘yicha) ta’lim yo‘nalishlari uchun “Texnik tizimlarda axborot texnologiyalari” fanining oʻquv va ishchi dasturlari asosida tayyorlangan. Ushbu o‘quv qo‘llanma oliy ta’lim tizimida tahsil olayotgan bakalavriyat talabalariga shu fan boʻyicha bilim, ko‘nikma va malakalarni shakllantirishga, zamon talablariga mos, raqobatbardosh, mustaqil fikrlay oladigan kadrlarni tayyorlashga mo‘ljallangan. O‘quv qo‘llanmada talabalar tomonidan iqtisodiy masalalarni yechishni avtomatlashtirishda MS Excel elektron jadvalining funksiyalaridan va VBA (Microsoft Visual Basic for Applications) dasturlash tilining imkoniyatlaridan foydalanib, yangi funksiyalar hamda makroslar yaratish mumkinligi xususida to‘xtalib o‘tilgan. Shuningdek o‘quv qo‘llanmada, oliy ta’lim iqtisodiyot yo‘nalishlari talabalari tomonidan “Texnik tizimlarda axborot texnologiyalari” fanining laboratoriya va amaliy mashg‘ulotlarini bajarishda kompyuter dasturlari va Internet texnologiyalaridan unumli foydalanishlari uchun metodik ko‘rsatmalar berilgan. Mazkur o‘quv qo‘llanmadan bakalaviriyatning barcha yo‘nalishlarida “Texnik tizimlarda axborot texnologiyalari” fanini o‘qitishda, shuningdek fan o‘qituvchilari, mustaqil ilmiy izlanuvchilar, qiziquvchilar foydalanishlari mumkin.