Oliy ta'limda musiqa ta'limi yoʻnalishi talabalarining xalq qo'shiqchiligiga xos o'quv malakalarini yuzaga chiqarish, ularga xalq qo'shiqlarini jamoa bo'lib va yakka holda kuylay olish va maqom guruhlarini tashkil qila olish boʻyicha mukammal bilim berish va jamoaga rahbarlik qila olish xususiyatlarini shakllantirish an'anaviy xonandalik fani orqali amalga oshiriladi. Talabalarning an'anaviy xonandalikda guruh va yakka holda kuylashning tabiati, didaktik tamoyillari va boshqa qonuniyatlarni bilib olishiga, xalq qo'shiqchiligi va maqom repertuarlari bilan bevosita tanishish va ularni tanlash bo'yicha yuksak badiiy didga ega boʻlishiga, jamoada kuylash va bilan ishlash jarayonida inson organizmida yuz beradigan ruhiy-fiziologik o'zgarishlarni his qilish va unga ko'nikma hosil qilishiga, maqom qo'shiqchisiga va maqomchilar dastasi rahbarligiga qo'yiladigan talabalarni bilishiga va unga oʻrgata borishi fanning ustuvor vazifalaridan hisoblanadi. - "An'anaviy xonandalik" fanidan o'quv qo'llanmasi - so'z boshi, ikki bob: birinchi bob An'anaviy xonandalik kuylash maktabi shakllari, mumtoz ashula, katta ashula, Xorazm maqomlari, suvora yoʻllari, ikkinchi bob Xorazm — - ashulachilik maktabi namoyondalaridan O'zbekiston, Turkmaniston va Qoraqalpogʻiston xalq artisti Ortiq Otajonovning ijodlariga xos eng sara ashulalaridan namunalar - (sibelius dasturidan notalari va soʻzlari) hamda rasmlar taqdim etilgan.