Oliy o‘quv yurtlari noiqtisodiy yo‘nalishlari talabalari uchun “Moliyaviy savodxonlik asoslari” fanidan o‘quv qo‘llanmada moliyaviy savodxonlikning barcha asosiy tarkibiy qismlari qamrab olingan. Jumladan, o‘quv qo‘llanma pul, uni topish va pulni samarali boshqarish yo‘llari, shaxsiy moliya va shaxsiy moliyaviy rejalashtirish, uy buxgalteriyasi, jamg‘armalar, kredit, hisob-kitob-kassa operatsiyalari, investitsiyalar, moliyaviy firibgarliklar va ularga qarshi choralarga doir ma’ruzalarni, turli xil qiyinlik darajasidagi 87 ta masala va 110 ta testlarni qamrab olgan. Asosan to‘plamdagi ma’ruzalar, masala va testlar “Moliyaviy savodxonlik asoslari” fanining oʻquv dasturi asosida tuzilgan bo‘lib, talabalarga amaliy bilim va ko‘nikmalar olishga, axborotning turli manbalari bilan ishlashga, tahlil qilish, umumlashtirish koʻnikmalarini oshirishga va olingan ma’lumotlarni tizimlashtirishga, ularni shaxsiy tajribaga integratsiya qilishga yaqindan yordam beradi.