"O'tkinchi jarayonlar" fani bo'yicha mazkur o'quv qo'llanmada elek- tromagnit va qisqacha elektromexanik o'tkinchi jarayonlar yoritilgan bo'lib, unda elektr sistema, uning parametrlari, rejimlari va elementlari, simmetrik va nosimmetrik qisqa tutashuvlar, ularni hisoblash usullari, qisqa tutashuvlarning oqibatlari va ularning oldini olish usullari, sistemada rejim mavjudligi sharti, statik, dinamik va natijaviy turg'unliklarga oid asosiy nazariy ma'lumotlar keltirilgan. Har bir bob tegishli tayanch so'zlar, o'z-o'zini sinash va test savollari, mustaqil ishlar vazifalari va masalalar bilan to'ldirilgan. Bu kurs 54 soat ma'ruza, 54 soat amaliy dars, 1 kurs ishi va 132 soat mustaqil ishiga mo'ljanlangan. O'quv qo'llanma 5310200 - elektr energetikasi (temir yo'l transporti) bakalavriat ta'lim yo'nalishi talabalariga mo'ljallangan bo'lib, undan boshqa sohadagi "elektr energetika" ta'lim yo'nalishi talabalari, shu soha magistrant, mutaxassis, ilmiy tadqiqotchi va professor-o'qituvchilari ham foydalanishlari mumkin. Institutning Ilmiy-uslubiy kengashi tomonidan nashrga tavsiya etildi.