Ushbu o'quv qo'llanma «Funksional analiz» fanidan ishchi dasturga moslab tuzilgan bir ishlanmadir. O'quv qo'llanma universitetlaming matematika, mexanika va amaliy matematika bakalavriat yo'nalishlari bo'yicha ta’lim olayotgan talabalari uchun mo'ljallab yozilgan. O'quv qo'llanmaning asosiy maqsadi bo'lg'usi mutaxassislami funksional analizning asosiy tushunchalari va usullari bilan tanishtirish, funksional analizning asosiy boblari bo'yicha nazariy fikrlashlarini shakllantirish, misol va masalalar yechishda malaka va ko'nikmalar hosil qilishdan, hamda ularda integral tenglamalar haqida umumiy tasawur paydo qilishdan iborat. O'quv qo'llanmani o'qish jarayonida talabalar o'zlarining matematik analiz, chiziqli algebra va geometriyadan olgan bilimlarini to'ldiradilar, hamda ularni funksional fazolarga moslab qo'llaydilar, ya’ni mustahkamlaydilar. Talabalar chiziqli funksional va operator tushunchalari bilan tanishadilar va ulanring asosiy xossalarini o'rganadilar. Cheksiz o'lchamli funksional fazolami o'rganish jarayonida o'quvchilar funksional analizning kuchli va nozik usullarini tushunishga biroz qiynaladilar, lekin tushunib yetganlaridan keyin o'zlarida ilmga undovchi qandaydir ichki kuch sezadilar.