Мана, тўққиз асрдан ошибдики, қўлимиздаги ушбу китоб турли тилларда кўпгина халқларнинг амир-у уламолари, мутафаккир-у ижодкорлари, умуман, зиёли ахлни диққатини ўзига тортиб келади. Хатто Ғарб мамлакатларида бу китоб барча даврлар учун давлатни, жамиятни бошқаришда, дин-у эътиқод поклигини, мамлакат яхлитлиги ва дахлсизлигини сақлашда, фуқаролар хақ ҳуқуқлари ва осойишталигини ҳимоя қилишда, халқда шу талаблар даражасидаги салохиятли раҳбарлар бош бўлишида асқотадиган яхши кўлланма, мароқли бадиий асар ва тарихий манба сифатида эътироф этилган. Китоб тарихчилар, сиёсатчи ва сиёсатшунослар, файласуфлар, шунингдек, бу соҳаларга қизиққан китобхонлар оммаси учун мўлжалланган.