Tasviriy san’atning asoslaridan biri bo‘lgan plastik anatomiyadan amaliy mashg‘ulotlar pedagogika oliy o‘quv yurtlari 60111200 — Tasviriy san’at va muhandislik grafikasi bakalavr (sitqi) talabalari uchun yozilgan. Mazkur o‘quv qo‘llanma bo‘lajak rassom o‘qituvchilarni kasbiy tayyorlashda plastik anatomiya fanidan olgan nazariy bilimlarini amaliy mashg‘ulotlar orqali mustahkamlashni ko‘zda tutadi. Kitobda anatomiya va plastik anatomiya fanlarinig vujudga kelish tarixi, plastik anatomiya rivojlanishining asosiy bosqichlari inson tayanch a’zo tizimining plastik anatomiyadagi ahamiyati, suyak va bo‘g‘imlarning birlashuvi, insonning muskullar tizimi, yuzning ayrim bo‘laklari, inson tanasi qismlarining sathi va tana qismlarining nisbatlari grafik tasvirlarda to‘la namoyon etilgan. Qo‘llanmada skeletning biriktiruvchi roli, uning harakatlanishi, muskullarning harakat vaqtida gavdaning turli qismlardagi o‘zgarishlar va uning plastikasi, hayvon va qushlar tanasining plastik xususiyatlari, hamda insonning dinamik va statik holatlardagi ko‘rinishlari qalamtasvirda batafsil namoyish etilgan. Kitobdan oliy o‘quv yurtlari talabalari bilan bir qatorda tasviriy san’at sohasiga qiziquvchi barcha ixlosmandlar foydalanishlari mumkin.