Ўзбекистон халқ артисти, Фарғона давлат университети профессори Султонали Манноповнинг мазкур рисоласида маънавиятимизнинг муҳим таркибий қисми бўлган мусиқа маданиятининг мазмуни, моҳияти ва тарбиявий аҳамияти ҳақида фикр юритилади ҳамда аждодларимиз бизга мерос қилиб қолдирган бой мусиқий маданиятимиз тарихига назар ташланади. Буюк истиқлол шарофати билан мустақиллик йилларида мусиқий маданиятимиз ривожига илмий тавсиф берилади. Мазкур ўқув қўлланмада анъанавий ижрочилик ва мақом асосларига алоҳида боблар ажратилган бўлиб, у олий ўқув юртлари ва санъат коллежларининг ўқитувчи ва талабаларига ҳамда мусиқа санъатига қизиқувчи, анъанавий ижрочилик ва мақом асосларини ўрганувчи тадқиқотчилар учун мўлжаланган.