Ushbu o’quv qo’llanmasida yosh sportchilarni tayyorlash bo’yicha hozirgi zamon fan va amaliyot yutuqlariga tayanadigan zamonaviy bilimlar umumlashtirilgan. Muallif har bir bobni bayon etishda o’z bilim va tajribasiga asoslanadi. O’quv qo’llanmasida jismoniy tarbiyaning tarkibiy qismi bo’lmish sportga ta’rif berilgan. Asosiy diqqat-e’tibor yosh sportchilarni jismonan tayyorlash, jismoniy qobiliyatlarini shakllantirishga qaratilgan. Birinchi bobda sport mashg’ulotlarining mohiyati, ular maqsadi, vazifalari, vosita va tamoyillari ochib berilgan. Ikkinchi bobda yosh sportchilarning jismoniy tayyorgarligi bayon etilgan. Bu yerda jismoniy tayyorgarlikning ahamiyati, turlari, vazifa hamda vositalari batafsil ko’rib chiqilgan. Jismoniy qobiliyatlami rivojlantirishning asosiy qonuniyatlari va tamoyillariga ham yetarlicha o’rin ajratilgan. Yosh sportchilar jismoniy qobiliyatlarining yoshiga bog’liq ravishda rivojlanishi masalalari ham chuqur tadqiq etilgan. Shundan so’ng kuch, tezlik harakatlarini muvofiqlash qobilyatlarini, egiluvchanlik va chidamlilik xususida so’z yuritilib, ulami rivojlantirish usuliyatlari ko’rsatilgan. Sport faoliyatida jarohatlanish tez-tez uchrab turadigan hodisa, shuning uchun yosh sportchilarni jismonan tayyorlash jarayonida jarohatlarning oldini olishga doir materiallar ham taqdim etiladi. Jarohatlar yuzaga kelishinig ayrim sabablari ko’rsatilib, ulami bartaraf etish bo’yicha usuliy tavsiyalar berilgan.