Kitoblar

Гўзалликнинг олмос қирралари

Олмос қирраларида қуёш нурлари ўз камалак рангинлиги билан акс этиб янада мунаввар бўлганидек, бадиий асар ҳам инсон ҳаётининг бор гўзаллиги ва жозибасини намоён қилади. Адабиётнинг жозибаси гўзаллиги нималардан иборат? Ёш адабиётчининг бу китоби ана шу масалани ёритишга бағишланади. Китобга «Ҳаёт ва унинг кўзгуси», «Гўзалликнинг олмос қирралари», «Идеаллар ва талабчанлик учун», «Саодат фалсафаси», «Диалог жилвалари» мақолалари киритилди.

АМИН УМАРИЙ. Адабий портрет

Филология фанлари кандидати, адабиётшунос Ориф Икромовнинг китобчасида таниқли шоир Амин Умарийнинг ижодий йўли, поэтикаси ҳақида гап боради.

Абадият фарзандларии

Алишер Навоий қитъа жанридаги шеърларидан бирини сарлавҳадаги шу сўзлар билан бошлаган эди. Навоий учун асл сўз кўнгул ўтидан сачраган сўз. Юрак ва ақл ёлқинини акс эттирмаган сўзни шоир ишқ ва маърифат файзидан маҳрум деб билган. Навоий қитъаларида хирандман улуғ ҳикматнависдир.

Ватан ва миллат муқаддасдир

«Улуғ бобокалонларимиз руҳига, башарият тарихи ва маданияти хазинасига катта ҳисса қўшган улуғ аждодларимизга, улар қолдирган улкан меросга муносиб бўлиш истаги жамиятимиз аъзолари орасида кенг ёйилиши, ҳap бир фуқаронинг онгидан мустаҳкам жой олиши — бу ҳам янги замоннинг муҳим хусусияти».

Абу Райҳон Беруний, Абу Али Ибн Сино

Амударё тўлқинлари қирғоққа куч билан урилади. Улар соҳил тупроқларини ялайдилар, юлғунлар томирини яланғочлайдилар. Сал туриб заминдан ажралган дарахт сувга ағдарилади. Оқим уни олиб кетади. Тўлқинлар яна ўз ишида давом этади, яна қирғоққа ёпишади, яна янги-янги ниҳоллар, шохлар, томир ёйган ажриқларни ўз қаърига тортади. Бу жараён йиллаб давом этади. Дарё шарққа сурилиб боради. У шаҳарларни ютади, далаларни торайтиради, муттасил ўз йўналишини ўзгартира, боради. Дарё ўлқинларининг ҳаракати тарих оқимидек бетўхтов, шафқатсиз ва қатъий.

Рус-ўзбек адабий алоқалари тарихидан

Қўшиқ қанотида

Уч булбул гулшани

Эътироф. (Академик Бахтиёр Назаров портретига чизгилар)

Азизлар анжумани

Икки эл ардоғи. Турсунбой Адашбоев портретига бир назар

Машраб. Адабий ҳаётига бир назар. Хотиралар

Донолар даврасида

Маҳмудхўжа Беҳбудий

Маҳмудхўжа Беҳбудий XX аср бошларида Туркистонда вужудга келган миллий уйғониш ҳаракатининг атоқли раҳбарларидан бири бўлиб, шу даврда ўзбек халқи ижтимоий онгининг уйғонишида муҳим роль ўйнади. У Туркистонда янги мактабларининг очилиши, миллий матбуотнинг пайдо бўлишида фаол иштирок этибгина қолмай, биринчи ўзбек драмасини яратиб, профессионал ўзбек театр санъатининг майдонга келишига замин ҳозирлади.

Ҳаёт ҳақиқатини излаб

Ҳозирги ўзбек прозасида характер проблемаси

Ушбу монография қишлоқ кишилари ҳақида ёзилган роман ва повестларда меҳнат кишисининг билиш ва руҳий дунёсини бадиий ифодалаш масалаларига бағишланган. Ойбек, А. Қаҳҳор, Ш. Рашидов, Саид Аҳмад, О. Ёқубов, П. Қодиров сингари ёзувчилар ижоди мисолида қишлоқ прозаси деб номланган прозанинг ривожланиш йўллари кўрсатилган. Китоб адабиётшунослар, олий ўқув юртлари филология факультетларининг ўқитувчи ва талабаларига мўлжалланган.

Академик Убайдулла Каримов

XX аср ўзбек илм-фан дунёсининг атоқли арбобларидан бири академик Убайдулла Исроилович Каримов ҳаёти ва илмий фаолиятига бағишланган "Билим жонкуяри" деб аталган рисолам 2000 йилда 100 нусхада нашр этилган эди. Ушбу китобча ўша рисоланинг иккинчи нашри. Бу нашрга "Сурайё" деб аталган бир кичик боб киритилди. Ундан мақсад улуғ олим Убайдулла Исроилович Каримов бошлаган илмий йўналишнинг яшаётгани. янги илмий уфқларни очилаётганини кўрсатмоқдир. Ушбу нашрда яна академик Убайдулла Исроилович Каримовнинг мухтарам ҳамкасблари ёзган хотиралар, олимга бағишланган шеърлар ҳам киритилган. Улар китобчанинг иккинчи ярмини ташкил этган. Илм-фан фидоийлари тўғрисидаги рисолаларимизни яратишлан мақсад янги авлод ичида уларнинг давомчиларини тайёрлашга қўллан келганича ҳисса кўшмоқдир.

Ўлмас Умарбеков

Ўзбекистон халқ ёзувчиси, республикада хизмат кўрсаттан санът арбоби Ўлмас Умарбеков ҳаёт бўлганида 70 ёшга тўлар эди. У кўп қиррали, истеъдодли адиб, ҳикоянавис, қиссанавис, романнавис, мохир драматург ва кинодраматург ҳамда жамоат ва давлат арбоби эди Ушбу рисолада адибнинг бой ва серқирра ижоди ҳақида фикр юритилади.

Мангуликка мухтасар назар. Матназар Абдулҳаким шахсиятига чизгилар

Ўзбекистонда хизмат кўрсатган маданият ходими, кўп қиррали ижод соҳиби Матназар Абдулҳаким (1948-2010) таваллудининг 70 йиллигига бағишланган ушбу рисолада унинг шахсияти ва ижодининг айрим қирралари, хусусан шеъриятининг ўзига хос жиҳатлари мухтасар ёритилган.

Чақмоқли орзулар ижодкори

Филология фанлари номзоди Гулсара Исмоилованинг ушбу рисоласида олиманинг Хоразм адабий муҳити, хусусан, Муҳаммад Раҳимхон Феруз ижоди бўйича олиб борган узоқ йиллик изланишлари ҳамда бугунги адабий жараён ҳақидаги фикр-мулоҳазалари жамланган. Китоб филология мутахассислиги бўйича таълим олаётган талабаларга қўлланма сифатида хизмат қилиши мумкин.