Unilibrary. Oliy ta'lim muassasalarining yagona elektron kutubxona axborot tizimi.

Ўқитувчи нутқи маданияти

Дарсликда нутқ маданиятининг назарий асослари, амалий масалалари ёритилган, бунда бевосита ўқитувчининг нутқий фаолиятига алоҳида урғу берилган. Нутқ маданиятининг бошқа фанлар билан алоқаси кўрсатилган. Нутқнинг тўғрилиги, аниқлиги, мантиқийлиги, софлиги, бойлиги, жўялилиги, ифодалилиги каби асосий коммуникатив сифатлари батафсил таърифланган, жуда кўплаб фактик мисоллар таҳлили асосида тегишли тавсиялар умумлаштирилган. Ўқитувчининг нутқ техникасидаги норасолик оқибатида юзага келадиган нуқсонларга ҳам эътибор қаратилган, уларни бартараф этиш бўйича амалий маслаҳатлар берилган.

Ўқитувчи нутқи маданияти

Дарсликда нутқ маданиятининг назарий асослари ва амалий масалалари ёритилган бўлиб, бевосита ўқитувчининг нутқий фаолиятига алоҳида урғу берилган. Китобда нутқнинг тўғрилиги, аниқлиги, мантиқийлиги, софлиги, бойлиги, жўялилиги ва ифодалилиги каби асосий коммуникатив сифатлари батафсил таърифланган. Муаллиф кўплаб фактик мисоллар таҳлили асосида ўқитувчилар учун тегишли тавсияларни умумлаштирган. Шунингдек, ўқитувчи нутқи техникасидаги камчиликлар ва уларни бартараф этиш бўйича амалий маслаҳатлар ҳам берилган. Мазкур дарслик педагогика йўналишидаги бакалавриат талабаларига мўлжалланган бўлиб, она тилига бўлган муҳаббатни шакллантириш ва нутқ маданиятини оширишга хизмат қилади.

Ўрта асрлар тарихи

Мазкур дарслик ўрта асрлар тарихи фани бўйича педагогика институтлари талабалари учун мўлжалланган бўлиб, унда ўрта асрларнинг даврлаштирилиши, феодал ишлаб чиқариш усули, ижтимоий-иқтисодий муносабатлар ва Европа халқлари тарихининг асосий босқичлари ёритилган. Китобда феодализмнинг шаклланиши, ривожланиши ва инқирози, шаҳарларнинг юксалиши ҳамда ўрта аср жамиятидаги синфий курашлар каби муҳим масалалар марксистик-ленинчилик назарияси асосида таҳлил қилинади.

Мустақил Ўзбекистон тарихи

Китобда Ўзбекистоннинг давлат мустақиллигига эришиши, янги жамиятга ўтиш даврида сиёсий ислоҳотларнинг амалга оширилиши, Ўзбекистонда ҳуқуқий демократик давлат қурилиши, фуқаролик жамиятининг шакллантирилиши, иқтисодий ислоҳотларни чуқурлаштиришга доир тадбирлар, мамлакатда ижтимоий-сиёсий барқарорликни таъминлаш омиллари, маънавий-руҳий покланиш ва миллий қадриятларнинг тикланиши ҳамда Ўзбекистоннинг жаҳон ҳамжамиятидан муносиб ўрин олиши каби масалалар кўриб чиқилади.

Ўзбекистон совет мустамлакачилиги даврида

Мазкур китобда Ўзбекистоннинг совет мустамлакачилиги давридаги (1917–1991 йиллар) мураккаб ва зиддиятли тарихи, халқимизнинг бошидан кечирган оғир синовлари, ижтимоий-сиёсий жараёнлар, маданий ва маънавий йўқотишлар ҳамда миллий ўзликни сақлаб қолиш йўлидаги курашлар ёритилган. Муаллифлар совет даврини таҳлил қилар экан, уни фақат салбий томонлама эмас, балки халқимизнинг фидокорона меҳнати самараларини ҳам объектив баҳолашга ҳаракат қилишган.

Ўзбекистоннинг янги тарихи. Биринчи китоб. Туркистон чор Россияси мустамлакачилиги даврида

Мазкур китоб Ўзбекистоннинг янги тарихига бағишланган бўлиб, унда Туркистон ўлкасининг чор Россияси мустамлакасига айланиши, унинг сабаблари, мустамлакачилик тузумининг халқ бошига солган кулфатлари, шунингдек, ўлканинг ижтимоий-сиёсий, иқтисодий ва маданий ҳаётидаги ўзгаришлар атрофлича таҳлил қилинади. Китобда мустабид тузум шароитида миллий давлатчиликни тиклаш учун олиб борилган курашлар ва жадидчилик ҳаракатининг дастлабки қадамлари ёритилган.

Ўзбекистонда демократик жамият қуриш назарияси ва амалиёти

Мазкур дарслик Ўзбекистонда демократик жамият қуриш назарияси ва амалиёти фанининг предмети, мақсади ва вазифаларини ёритиб беради. Китобда демократик жамият барпо этишнинг концептуал асослари, миллий истиқлол ғояси ва унинг жамият тараққиётидаги ўрни, фуқаролик жамиятини ривожлантириш, ҳуқуқий давлат қуришнинг асосий йўналишлари ҳамда Ўзбекистоннинг ўзига хос демократик тараққиёт йўли батафсил таҳлил этилган.

Ўзбекистон тарихи

Дарсликда Ватанимизнинг қадим замонлардан то ҳозирги давргача ўтган бир неча минг йиллик тарихи Олий ўқув юртлари учун тавсия этилган «Ўзбекистон тарихи» ўқув дастури талаблари доирасида ёритилган бўлиб, унда ўзбек давлатчилигининг шаклланиши, Амир Темур даври, Туркистоннинг мустамлакачилик даври, совет ҳокимияти ва мустақиллик йилларидаги ислоҳотлар кенг қамровли таҳлил этилган.

Узбекистон тарихи

Ушбу дарсликда Ўзбекистон мустақилликка эришганидан сўнг мавжуд имкониятлардан фойдаланган муаллифлар жамоаси томонидан кўплаб тадқиқотлар ва манбаларга асосланган ҳолда Ўзбекистон тарихининг жаҳон цивилизацияси тарихида, унинг ривожланишида тутган муносиб ўрни ёритиб берилган. Шунингдек, Ўзбекистон ҳудудларида минглаб йиллар давомида бўлиб ўтган тарихий-маданий жараёнлар таҳлил қилиниб, ўлкамиз тарихи миллий истиқлол ғояси билан суғорилган ҳолда янгича талқин қилинган. Дунё маданияти ривожланишига улкан ҳисса қўшган ватандошларимиз фаолияти батафсил баён этилган. Дарслик олий ва ўрта махсус ўқув юртларининг номутахассис факультетлари талабалари учун мўлжалланган.

«ЎЗБЕКИСТОН ТАРИХИ» ФАНИ БЎЙИЧА МАЪРУЗАЛАР МАТНИ I-қисм

Ушбу ўқув қўлланма Ўзбекистон тарихи фанининг предмети, назарий-методологик асослари, манбалари ва аҳамиятини ёритиб беради. Китобда тарихий воқеаларни илмий холисона ўрганиш, Ўзбекистоннинг жаҳон тарихидаги ўрни, халқимизнинг бой давлатчилик тажрибаси, ижтимоий-сиёсий, иқтисодий, маданий ва маънавий ҳаётининг босиб ўтган йўли ҳақида маълумотлар берилган. Шунингдек, тарихий манбаларнинг турлари, уларни таҳлил қилиш усуллари ва ёш авлодни ватанпарварлик руҳида тарбиялашда тарих фанининг ўрни алоҳида қайд этилган.

Ўзбекистон Республикасининг меҳнат ҳуқуқи

Мазкур дарслик юридик институтлар ва факультетларнинг бакалавриат босқичи талабалари учун мўлжалланган бўлиб, унда Ўзбекистон Республикасининг меҳнат тўғрисидаги қонун ҳужжатлари, меҳнатга оид ҳуқуқий нормалар, уларнинг амалиётга қўлланилиши, шунингдек, меҳнат муносабатларини ҳуқуқий жиҳатдан тартибга солиш соҳасидаги асосий тамойиллар ва меҳнат назарияси чуқур ёритилган.

Ўзбекистон Республикасида ташқи иқтисодий фаолият асослари

Ушбу дарслик олий ва ўрта махсус ўқув юртларининг ҳуқуқшунослик ва иқтисодий мутахассисликлари бўйича таҳсил олаётган талабалар учун мўлжалланган бўлиб, унда Ўзбекистонда ташқи иқтисодий фаолият ва унинг турларининг ҳуқуқий, ташкилий-ҳуқуқий ва иқтисодий жиҳатлари атрофлича ёритилган. Китоб 9 бобдан иборат бўлиб, унда ташқи иқтисодий алоқаларнинг назарий ва амалий асослари, Ўзбекистон Республикасининг ташқи иқтисодий сиёсати, ҳуқуқий механизмлар ва халқаро иқтисодий муносабатлар тизимли равишда баён қилинган. Асарда бой далилий ва меъёрий-ҳуқуқий маълумотлар келтирилган бўлиб, у нафақат талабалар, балки амалиётчи юристлар, ташқи иқтисодий ва ташқи сиёсий идоралар ходимлари учун ҳам фойдали манба ҳисобланади.

Узбекистон Республикаси ижтимоий таъминот хукуки

Ушбу дарслик 380100 «Хукукшунослик» ихтисослиги буйича бакалаврият боскичида таълим олаётган талабалар учун тайёрланган булиб, унда ижтимоий таъминот хукуки курси буйича укув дастурининг асосий коидалари, сохага оид конунчиликнинг мухим нормалари хамда Узбекистон Республикасида ижтимоий таъминотга оид муносабатларни хукукий жихатдан тартибга солишнинг асосий принциплари баён этилган.

Ўзбекистон журналистикаси тарихи

Мазкур дарслик ўзбек журналистикасининг 1870-1917 йиллар ноябригача бўлган даврини қамраб олиб, матбуотнинг тарихий ривожланиш босқичлари, ижтимоий-сиёсий шароитлари ва матбуот нашрларининг шаклланишини илмий таҳлил қилади. Китобда Туркистон ўлкасида матбуотнинг пайдо бўлиши, унинг мафкуравий таъсирлар остидаги фаолияти ҳамда ўша давр ижтимоий-сиёсий жараёнлари билан ўзаро боғлиқлиги ёритилган.

Ўзбекистон давлатчилиги ва бошқаруви тарихи

Ушбу дарсликда энг қадимги даврлардан бугунги кунга қадар Ўзбекистон давлатчилиги ва бошқаруви тарихи билан боғлиқ бўлган масалалар – илк давлатчилик ва бошқарувнинг пайдо бўлиш омиллари ва сабаблари, илк давлатлар шакллари ва бошқаруви, илк давлатчилик назариялари, илк шаҳар маданияти, антик ва ўрта асрлар давлатчилик анъаналари, мансаблар ва унвонлар, ер эгалиги ҳамда солиқ сиёсати, маданий ҳаёт каби масалалар ёритилган.

Ўзбекистон давлати ва ҳуқуқи тарихи

Мазкур дарслик қадимги даврлардан энг янги тарих давригача Ўзбекистонда давлат ва ҳуқуқ тарихини ўрганишга бағишланиб, унда ўқув курсининг дастурига мувофиқ ҳозирги Ўзбекистон ҳудудида давлат ва ҳуқуқнинг вужудга келиши, ўзига хос хусусиятлари, қадимги даврдаги ҳуқуқнинг юридик манбалари, уларнинг асосий белгилари, Мовароуннаҳр фиқҳ мактаби, унинг йирик вакиллари мерос қолдирган асосий асарларнинг ҳуқуқий мазмуни очиб берилган. Ўзбекистон ҳудудида фаолият кўрсатган давлатларнинг ташкил топиши, ижтимоий-сиёсий тузумининг ўзига хос хусусиятлари ва ҳуқуқи, классик тарихчилар асарларига суянган ҳолда тарихий-ҳуқуқий жиҳатдан ёритилган.