Unilibrary. Oliy ta'lim muassasalarining yagona elektron kutubxona axborot tizimi.

Maxsus fanlarni o`qitish metodikasi

Darslik mazkur fanni o`rganishning nazariy va amaliy asoslarini qamrab olgan. Darslikning maqsadi iqtisodiy tafakkurni shakllantirish uchun dars o`tishda qo`llaniladigan mavjud metodlar bilan tanishtirish, dars o`tishni tashkil etish va uni takomillashtirish, talabalarda iqtisodiy fanlardan dars o`tish malakasini hosil qilish bo`yicha bilim berishdir.

Yer tuzishning ilmiy asoslari

Darslik ushbu nomdagi fanning dasturiga mos tarzda O`zbekiston Respublikasi yer to`g`risidagi qonunchiligida yuz bergan oxirgi o`zgarishlarni va yer islohotini hisobga olgan holda tayyorlandi. Unda yer tuzishning umumiy nazariyasi va uslubiy asoslarining rivojlanish qonuniyatlari bayon etilgan. Yer tuzishning maqsadi va vazifalari, uning turlari, amalga oshirish usullari ochib berilgan. Yer tuzish jarayonida hisobga olinadigan obyektlarning asosiy tavsiflari, yer tuzish xizmati organlari tizimi keltirilgan.

Iqtisodiyot nazariyasi

Mazkur kitob oliy o`quv yurtlari talabalariga mo`ljallangan muqobil, yangi avlod darsligi yozildi. Unda iqtisodiyot nazariyasidagi yangicha fikr-mulohazalar, bu fanni o`qitishda to`plangan tajriba hisobga olindi. Darslikda iqtisodiyotga xos qonun-qoidalar yoritishga urg`u berilib, ba`zibir iqtisodiy hodisalar yangicha talqin etildi, nazariyani amaliyot bilan bog`lanishini ko`rsatishga harakat qilindi, talabalar mustaqil bilim olishlari zarurligidan kelib chiqqan holda yangi mavzularga o`rin berildi.

Statistika

Ushbu metodik qo`llanma pedagogika oliy o`quv yurtlari “Geografiya va iqtisodiyot bilim asoslari” bakalavriat yo`nalishi bo`yicha “Statistika” fanidan tuzilgan dasturga mos yozilgan. Bunda “Statistika” fanining nazariy qismi to`liq yoritilgan, misollar yechib ko`rsatilgan, tayanch tushunchalar va nazariyani mustahkamlash uchun savollar keltirilgan.

Ekonometrika. 1

O`quv qo`llanma "Ekonometrika. 1" deb nomlangan. Unda o`rganiladigan iqtisodiy jarayonlar tasodifiy emas, aniq deb qaraladi. Tasodifiy jarayonlar "Ekonometrika. 2" da o`rganiladi. "Ekonometrika. 1" 13 bobdan iborat bo`lib, har bir bob misol va masalalar bilan ta`minlangan hamda nazorat savollari ham keltirilgan. Unda determinatsiyalangan jarayonlar uchun korrelatsion-regression tahlil asoslari, iqtisodiy-matematik modellar va ularni o`rganish usullari bayon etilgan. Qo`llanmadan ekonometrikani o`rganmoqchi bo`lgan yosh o`qituvchilar, magistrantlar hamda aspirantlar foydalanishlari mumkin.

Iqtisodiyot nazariyasi

Mazkur darslik bakalavrlarga mo`ljallangan asosiy kurs tarzida yozilgan bo`lib, bo`g`usi mutaxassislarga kasb-korining qanday bo`lishidan qat`iy nazar o`z faoliyatining iqtisodiy natijalarini bilishlariga, iqtisodiy hodisalar mohiyatini tushunish, sir-asrorlarini idrok etishlariga yaqindan yordam beradi.

Bunyodkorlik yillari-tarixiy yutuqlar

Ushbu kitobda O`zbekisonda amalga oshirilayotgan ijtimoiy-siyosiy, siyosiy-huquqiy, madaniy-ma`rifiy islohotlarning mazmun-mohiyati, ijtimoiy-yo`naltirilgan bozor iqtisodiyotiga o`tish jarayoni, ko`p ukladliiqtisodiyotiga o`tish jarayoni berilgan.

Iqtisodiyot nazariyasi fanidan seminar mashg`ulotlar uchun metodik qo`llanma

Iqtisodiyot nazariyasi fanidan tuzilgan ushbu seminar mashg`ulotlar uchun metodik qo`llanmasi kafedrada barcha ta`lim yo`nalishining DTS hamda O`zbekiston Respublikasi Oliy va O`rta maxsus ta`lim vazirligi tomonidan 2011-yil 17-sentyabr 392-sonli buyrug`i bilan tasdiqlangan "Iqtisodiyot nazariyasi" fanidan namunaviy dastur (bakalavr yo`nalishlari uchun) asosida TDPU uslubiy kengashi 2013-yilda tasdiqlangan kafedrada tayyorlangan ishchi rejaga asosan tuzildi.

Axborot texnologiyasi va tizimlari

Ushbu darslikda axborotlashgan jamiyatni shakllantirishda axborot tizimlarida zamonaviy axborot texnologiyalarini tadbiq etishning nazariy, ham amaliy asoslari, ya`ni texnologiya, axborot texnologiyasi, rivojlanish bosqichlari, axborot, axborot resusrslari, avtomatlashtirilgan ish joylari va kompyuter tarmoqlari to`liq yoritilgan.

Iqtisodiyot nazariyasi

Keyingi yillarda mamlakatimizda va xorijda, ayniqsa, Rossiyada nashr etilgan qator darslik va o`quv qo`llanmalarningqisqacha tahlili berilgan, ulardagi ijobiy tomonlardan foydalanilgan va ba`zi bir munozarali jihatlar esa tanqidiy ravishda o`rganilib, mualliflarning shaxsiy yondashuvlari bayon etilgan. Darslik barcha yo`nalishdagi bakalavrlar uchun mo`ljallangan.

Iqtisodiy-matematik modellar va usullar

"Iqtisodiy-matematik modellar va usullar" fani iqtisodiy jarayonlarning matematik modellarini va ularni dadqiq qilish usullarini o`rganadi. Mazkur darslikda iqtisodiy jarayonlarning statik va dinamik modellari o`rganilgan, ularni tekshirish uchun qator usullar keltirilgan. Shu usullar qatoridan yangi, ratsional usullar ham joy olgan. Darslikdan yosh o`qituvchilar, magistrantlar hamda aspirantlar ham foydalanishlari mumkin.

Ish joylarini kompyuterlashtirish

O`quv qo`llanmada avtomatlashtirilgan ish joylari, turlari va unga qo`yiladigan talablar tahlil etilgan. Axborotlashtirilgan umumiy masalalari ko`rib chiqilgan bolalarda avtomatlashtirilgan axborot texnologiyalari, tizimlar tushunchasi va ularning klassifikatsiyasi bayon etilgan. Ularda iqtisodchi-foydalanuvchilar ehtiyojini hisobga olib, kompyuter tarmoqlarida ishlash tizimi va texnologiyalarning kerakli ta`minot turlarini, telekommunikatsiya vositalarini qo`llashga alohida e`tibor berilgan.

Iqtisodiy ta`limotlar tarixi

Darslikda qadimdan to hozirgi davrgacha paydo bo`lgan iqtisodiy fikr, g`oya, qarash va ta`limotlarning mazmuni, mohiyati, ularning evolutsiyasi va bugungi kundagi ahamiyati tarixiy ketma-ketlik asosida yoritilgan. Avval hukmronlik qilgan sinfiylik, partiyaviylik tamoyillaridan holi holda, har bir ta`limotning mohiyatiga obyektiv baho berishga harakat qilingan.

Iqtisodiy va siyosiy geografiya asoslari

Iqtisodiy geografiya (va umuman geografiya) to`g`risidagi bilimlar barcha uchun, hatto kasb va vazifasi bevosita geografiya bilan bog`liq bo`lmagan har qanday madaniyatli kishi uchun ham kerak. Mazkur o`quv darsligida iqtisodiy va siyosiy geografiya fanining mazmuni va maqsadi, uning asosiy tushunchalari va bozor munosabatlariga o`tish davrida rivojlanishi, ishlab chiqarishni ijtimoiy hamda hududiy tashkil etish, siyosiy geografiyaning ba`zi bir masalalari to`g`risidagi mavzular yoritib beriladi.

Маънавият ва маърифат

Қўлингиздаги ушбу тўплам маънавиятга дахлдор соҳалардаги маълум мавзуларни қамраб олган тестлар мажмуасидан иборат бўлиб, улардан нафақат ўз билимингизни синаб кўришда, балки маънавий оламингизни бойитишда ҳам фойдаланишингиз мумкин. Китоб кенг оммага мўлжалланган.

Тарихий манбашунослик

Ушбу ўқув қўлланма Ўзбекистоннинг тарихини ўрганишга мўлжалланган бўлиб, унда юнон, лотин, хитой, араб, форс ва туркий тилларида ёзилган манбалар тўғрисида маълумотлар келтирилган.