Unilibrary. Oliy ta'lim muassasalarining yagona elektron kutubxona axborot tizimi.

FIZIKA 11

Ushbu darslik 11-sinf o'quvchilari uchun mo'ljallangan bo'lib, magnit maydoni, elektromagnit induksiya, elektromagnit tebranishlar, elektromagnit to'lqinlar va to'lqin optikasi, nisbiylik nazariyasi, kvant fizikasi, atom va yadro fizikasi kabi zamonaviy fizikaning asosiy bo'limlarini qamrab oladi. Kitobda nazariy ma'lumotlar bilan bir qatorda, fizik hodisalarni kuzatish, tahlil qilish va ularni matematik formulalar yordamida ifodalash ko'nikmalarini rivojlantirishga alohida e'tibor qaratilgan.

Fizika 6

Ushbu darslik 6-sinf o'quvchilari uchun mo'ljallangan bo'lib, fizik hodisalar, modda tuzilishi, mexanik hodisalar, issiqlik, elektr, yorug'lik va tovush hodisalari haqidagi dastlabki tushunchalarni o'z ichiga oladi. Kitobda nazariy ma'lumotlar bilan bir qatorda, o'quvchilar mustaqil bajarishi mumkin bo'lgan qiziqarli topshiriqlar va amaliy mashg'ulotlar keltirilgan bo'lib, ular tabiat qonuniyatlarini tushunishga va kundalik hayotda fizika fanining ahamiyatini anglashga yordam beradi.

FIZIKA 10

Ushbu darslik 10-sinf o'quvchilari hamda o'rta maxsus va kasb-hunar ta'limi muassasalari o'quvchilari uchun mo'ljallangan bo'lib, fizik jarayonlar va hodisalarni o'rganishning nazariy va eksperimental asoslarini yoritadi. Kitobda mexanika, kinematika, dinamika, mexanikadagi saqlanish qonunlari, statika, gidrodinamika, mexanik tebranishlar va to'lqinlar, termodinamika asoslari, elektrodinamika, o'zgarmas tok qonunlari hamda turli muhitlarda elektr toki kabi asosiy fizika bo'limlari bayon etilgan. Nazariy ma'lumotlar bilan bir qatorda, fizik qonuniyatlar, modellar, ilmiy gipotezalar va nazariyalarning qo'llanilish chegaralari tushuntiriladi, shuningdek, o'quvchilarning chuqur o'rganishga bo'lgan qiziqishini qo'llab-quvvatlash uchun amaliy mashqlar va savollar keltirilgan.

Kinematika asoslari

Ushbu qo'llanma mexanik harakat, harakatning nisbiyligi, sanoq jismi va sanoq sistemasi, shuningdek, fazo va vaqt tushunchalarini qamrab oladi. Unda jismning mexanik harakatini koordinatalar tizimida tasvirlash, uch o'lchamli koordinatalar sistemasi va uning fizik jarayonlarni tushuntirishdagi ahamiyati batafsil yoritilgan. O'quvchi mexanika asoslari bo'yicha nazariy bilimlar bilan bir qatorda amaliy masalalarni yechish va fizik tushunchalarni tahlil qilish ko'nikmalarini rivojlantiradi.

FIZIKA 6

Ushbu darslik ixtisoslashtirilgan davlat umumta'lim muassasalari 6-sinf o'quvchilari uchun mo'ljallangan bo'lib, fizika faniga kirish, fizik hodisalar, mexanika, issiqlik, yorug'lik va tovush hodisalari haqida asosiy tushunchalarni o'z ichiga oladi. Kitobda tabiat hodisalarining qonuniyatlari, elektr energiyasi, mashina va mexanizmlarning ishlash asoslari oddiy va tushunarli tilda yoritilgan bo'lib, o'quvchilarda tabiatni ilmiy anglash ko'nikmalarini rivojlantirishga qaratilgan.

Texnologik ma'daniyat va komponenlik asoslari

Ushbu darslikda mazkur ta'lim yo'nalishida tahsil olayotgan talabalar uchun maruza mashg'ulotlar va amaliy mashg'ulotlar mavzulariga doir ma'lumotlar hamda bu mavzularni o'zlashtirishga doir test savollari yoritilgan.

FIZIKA: Elektr

Mazkur darslik umumiy o‘rta ta’lim maktablarining 8-sinf o‘quvchilari uchun mo‘ljallangan bo‘lib, unda elektr hodisalari, elektr va magnit maydon, elektr toki, elektromagnit hodisalar hamda elektr energiyasini ishlab chiqarish va uzatish kabi mavzular yoritilgan. Darslik o‘quvchilarga elektr energiyasining hayotimizdagi ahamiyati, oddiy elektr asbob va qurilmalarining ishlash prinsiplari bilan tanishish imkonini beradi. Har bir bob nazariy ma’lumotlar, tajribalar va tushuntirishlar bilan boyitilgan.

Fizika

Ushbu darslik umumiy o'rta ta'lim maktablarining 9-sinfi uchun mo'ljallangan bo'lib, unda molekular fizika, termodinamika asoslari, optika, atom fizikasi asoslari hamda koinot haqidagi tasavvurlar yoritilgan. Kitobda moddalarning molekular-kinetik nazariyasi, statistik va termodinamik metodlar, Broun harakati va turli fizik jarayonlar batafsil bayon etilgan.

Farmatsevtika iqtisodiyoti

Darslikda farmatsevtika iqtisodiyoti, tahlil va istiqbolni belgilash, dorixona muassasalarining xo'jalik moliyaviy hisob ishlari va hisoboti berilgan. Bozor iqtisodiyoti sharoitida dorixonalarning moliyaviy xo'jalik faoliyatini me'yorlovchi asosiy iqtisodiy qonunlar, farmatsevtika bozorida iste'molchilarning o'rni, dori vositalariga narx belgilash asoslari, dorixona savdo hajmi va dori vositalarini tayyorlash ishlarini tahlili, sarflar, foydaning tahlili va dorixona muassasalari istiqbolini belgilash masalalari yoritilgan. Darslikdan O'zbekiston Respublikasi Vazirlar Mahkamasi Qarorlari, O'zbekiston Respublikasi Sog'liqni saqlash vazirligining buyruqlari va boshqa me'yoriy hujjatlar o'z aksini topgan.

Farmakognoziya I qism

Ushbu darslik farmakognoziya fanidan farmasevtika institutlari va tibbiyot kollejlarining farmasevtika bo'limlari talabalari uchun mo'ljallangan bo'lib, unda dorivor o'simliklar mahsuloti, ularning tasviri, o'sish joyi, yig'ish va quritish usullari, kimyoviy tarkibi, tahlil qilish, ishlatish hamda dorivor preparatlari to'g'risida to'liq ma'lumotlar keltirilgan. Darslik o'quv dasturi asosida tuzilgan bo'lib, dorivor o'simliklar va hayvonlardan olinadigan dorivor mahsulotlarni o'rgatadi.

Falsafa

Mazkur darslik davlat standartiga mos, namunaviy o'quv dasturiga asoslanib tayyorlangan. Darslikda falsafa fanining paydo bo'lishi va uni bosib o'tgan taraqqiyot yo'li, muammolarning qo'yilishi, metodologik hamda bilish jarayonidagi jihatlari aks ettirilgan. Shuningdek, falsafa fanining tarkibiy qismlari hisoblangan mantiq, etika, estetika mavzulari ham yoritilgan. Barcha mavzularning ilmiy falsafiy qirralari O'zbekiston milliy g'oyasi falsafasi bilan uzviylikda tahlil qilingan hamda falsafaning hozirgi muammolari, tabiat, jamiyat, inson tafakkuri va dunyoqarashi sohalariga e'tibor qaratilgan.

EKOLOGIK JURNALISTIKA

Darslik ommaviy axborot vositalari vakillari, tadqiqotchilar, oliy ta’lim muassasalarining jurnalistika fakultetlari talabalari, jurnalistlar, blogerlar va ekologiya yo‘nalishida ta’lim oluvchi yoshlar uchun mo‘ljallangan bo‘lib, unda ekologik muammolarni tahliliy ravishda, xolisona, zamonaviy talablarga ko‘ra multimedia unsurlaridan foydalangan holda yoritish bo‘yicha amaliy ko‘nikmalarni shakllantirish masalalari yoritilgan.

Ehtimolliklar nazariyasi va matematik statistika

Darslik pedagogika oliy ta’lim muassasalari «Matematika va informatika» bakalavriat ta’lim yo‘nalishi o‘quv rejasidagi «Ehtimolliklar nazariyasi va matematik statistika» fanining amaldagi dasturi asosida yozilgan. Unda fan bo‘limlari bo‘yicha nazariy ma’lumot va ularga doir misollar yechib ko‘rsatilgan. Boblar oxirida o‘z-o‘zini tekshirish uchun savollar, hamda nazariy ma’lumotlarni o‘zlashtirish uchun test topshiriqlari berilgan. Mazkur darslikdan matematika va informatika, mexanika, fizika va astronomiya hamda iqtisodiyot yo‘nalishlarining talabalari, shuningdek, ehtimolliklar nazariyasi va matematik statistikani mustaqil o‘rganuvchilar ham foydalanishi mumkin.

Ehtimolliklar nazariyasi va matematik statistika

Darslik pedagogika oliy ta’lim muassasalari talabalari uchun mo‘ljallangan bo‘lib, unda ehtimolliklar nazariyasi va matematik statistika fanining asosiy nazariy ma’lumotlari, misollar va ularning yechimlari keltirilgan. Qo‘llanma universitet va pedagogika institutlarining matematika, informatika, mexanika, fizika va iqtisodiyot yo‘nalishlari o‘quv dasturlari asosida yozilgan. Har bir bob oxirida o‘z-o‘zini tekshirish uchun savollar, test topshiriqlari va mashqlar mavjud bo‘lib, ular nazariy bilimlarni mustahkamlashga xizmat qiladi. Kitobdan nafaqat talabalar, balki mazkur sohani mustaqil o‘rganuvchilar ham foydalanishlari mumkin.

Dunyo dinlari tarixi

Ushbu darslik o‘rta ta’lim muassasalarining 11-sinf o‘quvchilari hamda o‘rta maxsus, kasb-hunar ta’limi muassasalari talabalari uchun mo‘ljallangan bo‘lib, unda jahon dinlari tarixi, ularning mohiyati, jamiyat hayotidagi o‘rni hamda bag‘rikenglik madaniyati kabi masalalar atroflicha yoritilgan. Darslik o‘quvchilarda millatlararo totuvlik, diniy bag‘rikenglikni anglash, mustaqil va mantiqiy fikrlash ko‘nikmalarini shakllantirish hamda ularni komil inson qilib tarbiyalash maqsadida yaratilgan bo‘lib, har bir bo‘lim qo‘shimcha ma’lumotlar, ibratli fikrlar va nazariy topshiriqlar bilan boyitilgan.

Dunyo dinlari tarixi

Ushbu darslik O‘rta umumta’lim muassasalarining 10-sinflari va o‘rta maxsus, kasb-hunar ta’limi muassasalari uchun mo‘ljallangan bo‘lib, unda dunyo dinlari tarixi, ularning jamiyat hayotidagi o‘rni, dinning insoniyat ma’naviy dunyosini shakllantirishdagi ahamiyati, diniy bag‘rikenglik va millatlararo totuvlik kabi mavzular ilmiy asosda yoritib berilgan.