Unilibrary. Oliy ta'lim muassasalarining yagona elektron kutubxona axborot tizimi.

Буюк соддалик

Абдулла Орипов шахси янги ўзбек шеъриятида алоҳида мақомга эга. Шоир илк шеърлари билан поэзиянинг чинакам вазифасини белгилашда, ўқувчи бадиий дидини юксалтиришда, адабиётнинг ҳақиқий мақсадини тайин этишда ўзига хослигини намоён этди. Миллат ва миллийлик, фалсафийлик, самимият масаласи шоир ижодий концепциясида қатъий ўринга эга.

Чустий сайланма

Ўз шеърияти билан ўтган асрда миллионлаб юракларга кириб борган ва ҳамон ўлмас сатрлари орқали ўзбек шеърхонлари юрагидан мустаҳкам жой эгаллаб келаётган истеъдодли ва ҳассос шоир, равон тилли ғазалнавис Чустий шеъриятидан баҳ раманд бўлмаган, қалби бу шеъриятнинг латиф оҳангларидан сув ичмаган ўзбек кишиси кам топилади.

Ғордаги омонат

Ҳикоя ва қиссалари билан ўқирманларнинг меҳрини қозонган адиб Холмуҳаммад Каримийнинг илк романини Сиз азизларга ҳавола қиляпмиз. Асарни ўқир экансиз, муаллифнинг халқ ҳаётидан нақадар яхши хабардор эканлигини англайсиз. Унда минг йиллардан буён ўзлигимизга сингиб кетган азиз ва мўътабар, ўзига хос миллий қадриятларимиз қаҳрамонларнинг умр йўлини ёритиб боради.

Мангу овоз

Ўткир Раҳмат шеъриятида ҳамиша эзгуликка ошуфталик, яхшиликка ошиқлик, меҳр-муҳаббатга ташналик каби туйғулар балқиб туради. Бу шеърият ҳиссиёт чашмасидан сув ичади, табиатнинг ранго-ранг манзараларидан илҳомланади. Бир сўз билан айтганда, шоир кўнгилдан олиб кўнгилга туҳфа этади.

Сўзи-гавҳар фикри-олмос санъаткор

Атоқли санъаткор, Ўзбекистон халқ ёзувчиси Ўткир Ҳошимов мероси халқимиз учун энг бебаҳо, асл айнимас ва туганмас хазиналардан биридир. Ўқувчи ҳар сафар бу хазинадан янги-янги ёмби гавҳарларни, олмосдек қадри баланд фикрларни топади ва баҳраманд бўлади.

Сайланма

Сидкий Хондайлиқий ХХ аср боши ўзбек адабиётининг истеъдодли вакилларидан бўлиб, унинг ижодий мероси ранг-баранг анъанавий шеъриятимизни янги ўзбек поэзияси билан ўзига хос тарзда боғлайди. У бир томондан, «Девони Сидқий»даги ғазаллари билан мумтоз шеъриятимиздаги ишқ ва гўзаллик ҳақидаги азалий ва абадий баҳсни давом эттирса, иккинчи томондан, замонасининг шиддатли ҳодисалари изидан бориб, мардикорлик воқеалари ҳақида достонлар ёзади.

Мангу уйғоқ қалб

Ушбу тўпламга Теша Сайдалиевнинг сара асарлари жамланган. Шоир ўз ижодида Ватанни, ҳаётни, инсон қалбини тараннум этган. Бу китоб қалбингизда нурли таассуротлар қолдиради деган умиддамиз.

Ўзганинг тақдири

Набижон Раҳматов тўпламга кирган ҳикояларида қишлоқ одамларининг сиртдан қараганда оддий ва осуда бўлиб туюладиган турмушини қаламга олади. Уларнинг кундалик ҳаёти аслида мураккаб кечинмалар билан ўтаётгани, айниқса, ҳозирги давр руҳи таъсирида андиша.

Сени излайман

Тўпламдаги аксарият шеърларнинг деярли ҳаммасида соф муҳаббат туйғулари мужассам. Шоир кўнглидан чиққан маҳ зун дил изҳорлари, ёрқин кечинмалар ўқувчи юрагидан мустаҳкам жой олади. Ушбу тўпламда ижод йўлидаги беором шоирнинг қалб ҳарорати сингдирилган шеърлари жамланган. Ўйлаймизки, шоир шеърлари албатта ўқувчилар кўнглига йўл топади.

Муборак кунлар

Муборак кунлар" китоби таниқли шоир Нодир Жонузоқнинг ижоди яна бир поғонага, янги босқичга кўтарилганини намоён этади. Бу, аввало, шоир ижоди ғоявийфалсафий жиҳатдан теранлашгани ва кенг кўлам касб этганида, бадиий жиҳатдан юксалганида яққол кўринади.

Танланган асарлар

Устоз адибларимиздан бири «Адабиёт дарёсининг тўлибтошиб оққани маъқул», деган эди. Дарҳақиқат, бу ҳаётий гап. Ахир, тоғлар ҳам фақат чўққилардан иборат эмас-ку! Улуғ шоирларимиз қатори адабиётимизда ҳамиша заҳматкаш ижодкорлар силсиласи мавжуд бўлган.

Навоийдан наво топган олим

Таниқли адабиётшунос олим ва мунаққид, филология фанлари доктори, Алишер Навоий номидаги Тошкент давлат Ўзбек тили ва адабиёти университети профессори, Ўзбекистон Ёзувчилар уюшмаси аъзоси Нусратулло Жумахўжа таваллудининг 70 йиллиги муносабати билан тартиб берилган ушбу китобга олимнинг замондошлари, устозу шогирдларининг эътирофлари, унинг илмий-ижодий, маърифий фаолиятига бағишланган таҳлилий мақолалар киритилган.

Мангу қуёш

Адиб ўзининг янги “Мангу қуёш” тарихий романида миллатимизнинг фахру ифтихорига айланган улуғ шоир ва мутафаккир Алишер Навоий ҳаётига мурожаат этади. Муаллиф унда улуғ шоирнинг мураккаб ҳаёти, бемисл ижоди, буюк муҳаббати ҳақида ҳикоя қилади, тарихий ҳақиқатларга ўз муносабатини билдиради. Роман қизиқарли воқеаларга бой, ширали тилда ёзилган.

Танланган асарлар

збекистон халқ шоири Иқбол Мирзонинг ушбу танланган асарлар тўпламига сара ижод намуналари жамланди. Шунингдек, аввал чоп этилмаган шеърлари ҳам биринчи марта ўқувчи эътиборига ҳавола этиляпти.

Уммон бўйидаги ўйлар

Ушбу қўлингиздаги китоб атоқли шоиримиз Абдулла Ориповнинг Америка Кушм Штатларида битган фалсафий мушоҳадалари, юрт соғинчи ва ҳайратдан иборат бўлган беназир сатрлари мажмуасидир. Шеърий тўплам сиз ўқувчилар қалбида шоиримизнинг мусофирликда, Ватандан йироқда ҳис этган ҳиссиётлари оламига олиб кирса ажабмас. Шеърларнинг ёзилиш санасига аҳамият берилса, шоирнинг илҳоми уни бир дақиқа ҳам тарк этмаганига гувоҳ бўласиз.

Шухрат замондошлар хотирасида

Шухрат мак,товга берилмайдиган, хаммадан мактов кутмайдиган, узи х,ам бошк,аларни уринсиз мак,ташни хушламайдиган, узига ишонадиган ажойиб киши эди.