Unilibrary. Oliy ta'lim muassasalarining yagona elektron kutubxona axborot tizimi.

Kafansiz ko`milganlar

Boshidan o'tkazgan qiyinchiliklarini, to‘g‘rirog‘i, xo'rliklarini eslash insonni yana bir karra og‘ir azobga ro‘baro‘ qiladi. Uni yozish esa... Qatag'onlik davri tasviri, undan ham og'iri -o'zining «xalq dushmani» deb ayblanishi haqida yozish, mahbusligini eslash, qamoq voqealari, lager hayoti, so'zsizlik...bularning haqqoniy tasviri Shukrulloning «Kafansiz ko‘milganlar»ida yaqqol ifodalangan. Asaming yana bir ahamiyatli jihati - uning mazkur mavzudagi yagona asarligida.

Ўзимга омадни жалб этаман

Кўплаб инсонлар мазкур китобдан фойдаланиб, катта омадларга эришишган. Сиз ҳам четда қолманг. Сиз ҳам вазиятлар устидан ғалаба қозониб, қувонган инсонлар сафига қўшилинг. Инсонлар билан гўзал ва меҳр-оқибатли муносабатлардан завқланинг. Ўзингиз орзу қилган ҳаёт лаззатини тўйиб, қувониб яшашингизни тилаймиз. Доимо бахтли ва омадли бўлинг!

Узбечка

Асар воқеалари уруш ўчоғида рўй беради. Балоғат ёшидаги қизнинг бу ваҳшат водийсига тушиб қолиши асло тасодиф эмас. Уруш ортидаги меҳнати билан такрор туҳматларга учрайвергач, ўзини ўзи борса-қайтмасликка ҳукм қилади. Жангда ҳам жиддий синовларга рўбарў келади. Душманга қарши урушда тарафдорлари томонидан ўлимдан оғир жазога ҳукм қилинганда эса сукут ва сабр билан... кутади. Ҳақиқатнинг қарор топиши жуда қийин, аммо барибир юзага чиқади!...

Dahshatli intiqom

Rus adabiyotining mahoratli yozuvchisi Nikolay Vasilyevich Gogolning "Dikanka qishlog'i oqshomalri", " Dahshatli intiqom" asarida sir-sinoatlarga boy g'aroyib voqealar tasvirlangan. Yozuvchi mazkur asarni afsona, rivoyat, ertak, shuningdek, onasidan eshitgan hikoyalari asosida yozgan. Yengil, yumoristik ruhda yozilgan ushbu qissalar to'plami sizga manzur bo'lishiga ishonchimiz komil.

Орзиқиб кутаман эртани

Америка ёзувчиси Сидни Шелдон 1917 йилда Чикагода туғилган. У Иккинчи жаҳон урушидан олдиноқ Голливудда киносценарист сифатида шухрат топди. Дарвоқе, С.Шелдон урушда АҚШ Ҳарбий Хаво Кучлари учувчиси сифатида иштирок этди. У урушдан кейин ҳам кинода ишлашни давом эттирди. Унинг қаламига мансуб олти пьеса Бродвейдаги театрлар репертуаридан жой олиб, шов-шувларга ҳам сабаб бўлди. Ёзувчи 1963 йилда ЭЙ-БИ-СИ корпорацияси билан ҳамкорликни бошлаб, икки юздан зиёд телевизион сценарийлар яратди. Бироқ С.Шелдонга жаҳон миқёсидаги шон-шуҳратни китоблари келтирди. Унинг асарлари бир юз саксондан ортиқ мамлакатда элликдан ортиқ тилда нашр этилди. Адибнинг к;аламига мансуб элликдан ортиқ ўткир мавзули асарлари орасида «Ярим туннинг орқа томони», «Қонли қадам», «Фаришталар қаҳри», «Кўзгудаги дарбадар», «Тонг, кун, тун» каби романлари алоҳида ўрин тутади. С.Шелдон кўпдан-кўп адабий ва кино санъати соҳасида бериладиган нуфузли совринларнинг, жумладан, Эдгар По номли ва Оскар мукофотининг соҳиби бўлган. Адиб умрининг охирига қадар самарали ижод билан банд бўлган.

Миллиардерга қўйилган тузоқ

Адиб Нуриддин Исмоиловнинг бу янги саргузашт-детектив романидаги воқеа-ҳодисалар, қаҳрамонлар ва уларнинг тақдири адабиёт мухлисларини қизиқтиради, қайси замон ва маконда бўлаётганидан қатъи назар, умуммуштарак ғоялар, тушунчалар билан эзгулик ва ёвузлик ўртасидаги курашнинг моҳияти очиб беради. Ёзувчи учун ўз ўқувчисининг назари, баҳоси ҳар нарсадан ҳам қиммат турса керак.

Dahriyning ibodati

Onore de Balzak asarlari Yevropa adabiyotining gultoji sanaladi. Gobsek, Deplen, Gorio Ota, Lui Lamber – ularning hech biri bir-birini takrorlamaydi, ular qalbidagi mushtarak maqsad, ichki ziddiyatlar, orzular, boringki, adabiyotning insoniyatga ko‘rsatadigan xizmati nuqtayi nazaridan bir-biriga juda yaqin. Mana shu ichki kechinmalarni yurakdan his etgan Balzak o‘z asarlaridan birida shunday yozadi: «Kishi haqida hukm chiqarishdan oldin loaqal uning fikr-asrori, uning baxtsizligi, uning hayajoniga sherik bo‘lish kerak». Qadrli kitobxon! Agar Balzak qahramonlarining ichki kechinmalarini tushunmoqchi bo‘lsangiz, albatta, ushbu asar mutolaasiga shoshiling.

Chodirxayol

Asqad Muxtor ijodi bilan yaqindan tanish bo'lgan kitobxon adibning har bir asarida turfa fe'l-atvorga ega qahramonlar bilan yuzma-yuz keladi. «Narigi dunyo»dan qaytib kelgan bo'lsa-da sirining fosh bo'lishidan qo'riqqan ikki qasd oluvchi, xotiniga atir sotib olgan-u, ammo pulini behudaga sovurgani uchun dodini beradigan ayoli oldida dirdir titrayotgan Madrayimning holati, odamlarga yaxshilik qilaman, o‘zimdan yaxshi nom qoldiraman deb jonini mashaqqatga berib tosh tashib, zina qurgan, alal oqibatda esa ko'pchilikning qarg'ishiga uchragan Qora domla - bu qahramonlarning asli maqsadi, maqsad amalga oshgandan keyingi ruhiy kechinmalari, tavba-tazarrulari kitobxonni o'ylatmay qolmaydi. Asqad Muxtor asarlari, Asqad Muxtorning qahramonlari odamlarni o‘rganishga, ularning qalbidan kechayotgan his-tuyg'ularni o'qishga o'rgatadi. Kitobga jamlangan hikoyalarni aynan shu maqsad bilan Sizga havola etmoqdamiz.

Бахтнинг олис манзили

Қўлингиздаги китоб севимли ёзувчингиз Нуриддин Исмоиловнинг навбатдаги саргузашт-детектив романларидан бўлиб, унда бахт ортида сароблар, дахри дунёнинг сиз билмаган ва билмаган турфа синовлари, ҳақиқий инсоний туйғулар олдида бойликнинг қийматсиз экани, сўнгги пушаймонлар фойдасиз экани, турфа тақдир эгаларининг андуҳларига ва қалб кечинмаларига биргаликда гувоҳ бўласиз.

Seni izlayman

Yoshlik zangor fasl. Bu pallada tuyg'ular kamalakrang tus oladi, nigohlarga sir inadi. Shoir Islom Qo’chqorovning she’rlarini o'qib, yoshlikning ana shun- day begard, jo'shqin, askariy satrlariga duch kelasiz. Yurt himoyasida o't-olov bo'lgan yigit qalbi ishq ko'yida beholdir, oshuftaholdir. Bu uning yuragi oshiqligidan darak. Ushbu mo'jaz to'plamdan o'rin olgan she’rlarda shoirning ana shunday qalbga yaqin izhorlaridan bahramand bo'lasiz.

Халқ бўл, элим

Ўзбекнинг ардоқли шоири Муҳаммад Юсуфнинг ушбу тўплами «Халқ бўл, элим» деб бежиз номланмади. Унинг ижодида халқига, Ватанига чексиз садоқат ва фидойилик мавзуси асосий ўринни эгаллаган. Ушбу тўпламга шоирнинг турли даврларда битилган энг сара шеърлари, достонлари киритилди. Ўйлаймизки, у шеърият мухлисларига муносиб туҳфа бўлади.

Саодат томчилари

Биз ожиз бандаларига “Эй бандаларим” хитоби илоҳияси билан лутф айлаган, ҳабиби акрамига уммат бўлиш бахтини насиб этган, энг сўнгги ва энг комил китоби қуръони карим билан шарафлантирган, кўнгилларимизни иймоннинг севинч ва ҳузури билан ризқлантирган аллоҳ таолога чексиз ҳамду санолар бўлсин.

Виждон уйғонур

Мазкур китобда ёзувчи Тоҳир Малик одамийлик мулки - аҳлоқ-одобга доир суҳбатларини сиз - азиз умидимиз юлдузлари билан давом эттиради. Адиб бу суҳбатга ота-оналар, мактаб, лицей, коллеж устозларини ҳам таклиф этади. Ардоқли ота ва оналар, қадрли устозлар бу китобни ҳам суюкли фарзандлари ва шогирдлари билан бирга мутолаа қилсалар, фикрлашсалар нур устига аъло нурдир.

Қил устидаги тақдир. Қ. 1

Қимор - ўртага пул, буюм, кўчмас мулк, ҳатто тирик жон тикиб ўйналадиган ўйин. Миср фиръавнларининг дахмаларини қазиш чоғида қимор ўйинларида ишлатиладиган суяклар, Шумер шоҳлари қабридан эса рақамли кубиклар (нарда тошлари) топилган. Милоддан аввалги V асрда Грецияда тотализатор ўйинлари, яъни пойгачи отларга пул тикиб ўйнаш кенг тарқалди. Илк бор 1861 йилда ҳозирги Монако қироллигининг Монте Карло шаҳрида замонавий қиморхона - казино очилди. Кейинчалик ўйин автоматлари ҳам қимор воситасига айланди. Кимларгадир қарта, ошиқ, ўйин автоматлари, турли лотто ўйинлари эрмак бўлиб туюлиши мумкин. Бироқ бу ўйинлар инсон тақдирига, бахтига, бегуноҳ аёллару болалар ҳаётига таҳдид солиши муқаррар. Шукрки, юртимизда казинолар, турли майда-чуйда қиморхоналар, пул тикиб ўйналадиган бильярдхоналар очиш каби жиноий фаолиятлар тақиқланган. Азамат Коржововнинг "Қил устидаги тақдир" қиссасининг шу вақтгача ўн бир қисми "Бекажон", "Суғдиёна" газеталарида ва "Аъло кайфият" журналида чоп этилган. Қисса илк марта китоб ҳолида нашр этилмоқда. Биринчи китобга уч қисм киритилган бўлиб, унда қимор инсон ҳаётига қандай балолар ёғдириши Лобар исмли аёл ҳаёти мисолида кўрсатиб берилган.

Мусофир гўдак қисмати

Уч ёшли ўғли билан Туркияга борган Лайло исмли жувонга Истанбулдаги дугонаси иш топиб беради. Бадавлат кампирга оқсочлик қилаётган Лайлонинг бошига қулфат тушади: уни кампирнинг қотили сифатида айблашади. Қотил эмаслиги исботлангач, интерпол банкдаги кирдикорлар туфайли ҳибсга олади. Ватанига юборилган Лайлонинг ўғли Жаҳонгир эса Истанбулда қолиб кетади. Россиялик савдогар хотин поездда яширинча Москвага олиб келиб, болани отасига топширмоқчи эди. Бироқ поезд Бокуга етганида, савдогар вафот этиб, Жаҳонгир бир хонадонга тушиб қолади... Азамат Қоржововнинг икки қисмдан иборат "Мусофир гўдак қисмати" қиссасида онасининг хатолари сабаб бошига мисли кўрилмаган оғир саргузаштлар тушган болакайнинг чет эллардаги сарсон-саргардонликда кечган кунлари тасвирланган. II китобга мазкур қиссанинг иккинчи қисми киритилган бўлиб, ёш мусофирнинг Озарбайжон, Россия каби мамлакатлардаги саргузаштлари қаламга олинган.

Миллионер сингари фикрлашни ўрганинг

...Ҳақиқий канадалик миллионер муваффақиятга эришиш тамойиллари ҳақида сўзлаб, одам ўзини ютуққа ва бахтга қандай дастурлаш кераклиги, буни ўз онг ости тасарруфига қай тарзда сингдириши тўғрисида гaпиради...