Unilibrary. Oliy ta'lim muassasalarining yagona elektron kutubxona axborot tizimi.

Бахт тимсоли

Ушбу тўпламдан ижод оламига кириб келаётган Гулҳаё Ашурованинг бир даста шеърлари ўрин олган. Ёш ижодкорнинг ёшлик сурури билан ёзилган шеърлари Сиз азиз мухлисларга манзур бўлса ажаб эмас.

Аросатлар ороли

Инсон умри давомида синовларга маҳкум. Олаётган ҳар бир нафасимиз такдир измида экан, бажараётган ишимиз, эришаётган ютуғи, мағлубиятимизни муҳокама қилишнинг ҳожати йўқ. Аммо... «Ҳаракатда баракат» деган ҳикматли сўздаги ҳақиқат ҳар биримизни сергаклантириши лозим, назаримизда. Асар қаҳрамони Қодиржоннинг бошидан кечирганлари фақат такдир ҳукми эмас, балки характер ва ҳаракат уйғунлигининг самараси ҳамдир. Ижодкорнинг мазкур acapи биографик романлиги билан ҳам азиз китобхонларимиз эътиборига тушишига умидвормиз.

Талваса

Ўзбекистон халқ ёзувчиси Тоҳир Маликнинг «Шайта- натнинг турфа олами» туркумига кирувчи «Мурдалар га- пирмайдилар», «Иблис девори» қиссалари билан Сиз — азиз китобхонларни таништирган эдик. Қўлингиздаги бу китоб- дан мазкур туркумдаги учинчи асар — зулм оламидан ҳикоя қилувчи «Талваса» романи ўрин олган. Шунингдек, адиб- нинг таржимонлик фаолияти маҳсули бўлган «Номус ва ажал» қиссаси ҳам бу китобга киритилди. Муҳаббат — ғоят гўзал ва нозик туйғу. У қалбларга нур ва сурур беради. Муҳаббат номус, ҳаё каби фазилатларни ўзига жо қилсагина севиш- ганларга бахт бера олади. Номуссиз муҳаббат эса ишқ ахди- ни ажалга гарифтор этади. Баён этилмиш муҳаббат фожиа- лари ардоқли китобхонларимизни бефарқ қолдирмайди, деган умиддамиз,—

Авлоднома

Қадимий кечмишга эга бўлган ўзбек диёрида тагли-тугли оилалар,сулолалар жуда кўп.Совет тузуми одамлар тақдирига салбий таъсир кўрсатганидек,қадриятлар бобида ҳам бемисл тажовуз,зуғумни амалга оширган эди.Уруғ-аймоғларини,бобокалонларни билиш,ўзликни таниш,элпарварлик қатагонга тортилган эди.Мазкур «Авлоднома» икки жилдлигининг 1-китоби «Оқар дарё»да бир хонадон ортда қолдирган йиллар,замона зайли,катта рўзғорни тиклаш,эл ишига фидойилик,тўғрилик талқин этилади.

Бухородан Берлинга

Бу китоб автори улуғ Ватан урушининг иштирокчисидир. У фронтда сапёрлар бўлинмасининг командири бўлиб хизмат қилган ва немис фашист галаларини то Берлингача қувиб борган ғолиблардан. У ўзинииг бу асарида ана шу жанговар лавҳаларни акс эттиради. Унда фақат ўзи кўрган, шахсий ўзи шоҳид бўлган воқеа ва кишиларнигина қаламга олади.

Тонгги фаришта

Эрталаб ҳовлингиздан чиқиб, ораста кўча, йўлаклар, хиёбонлардан ўтиб бораркансиз, кўзингиз қувнайди. Минг турли анвойи гуллар хуш бўйнидан баҳри дилингиз очилади. Руҳингиз тозаради, юксалади. Ишингизда унум, хайр-барака бўлади. Лекин, афсуски, аксар кўпчилигимиз буларнинг ьирида биз кўча хизматчилари деб биладиган инсонларнинг катта ҳиссаси борлиги хусусида ўйлаб ҳам кўрмаймиз.Тонгги фаришта деб номланган мазкур асарда бир қарашда кўпчиликнинг назарига тушавермайдиган, камтаргина, одмигина касб-кор эгаларининг кундалик ҳаётимиздаги, жамиятимиздаги ўрни хусусида баҳс юритилади.

Моҳият лаҳзалари

Самимий туйғулар ҳамиша ўз жилоси билан кўнгилларни жалб этган. Олам ва одам муносабати, руҳий кечинмалар шоир юрагидаги дард. Ушбу китобда самимий туйғулар жилосини, ички кечинмаларнинг ёрқин ифодасини ҳис қиласиз, деган умиддамиз.

Ёлғизликнинг юз йили

Нобель мукофоти лауреати Габриэль Гарсиа Маркес (1928) жаҳон адабиёти равнақига "Ёлғизликнинг юз йили", "Мустабид паймонаси", "Ўлат изғиган кезларда муҳаббат", "Ойқиз, муҳаббат, авлиё, шайтон ва ва бошқалар". Адиб айни маҳалда "қисса" ва "ҳикоя" жанри устаси, "Ошкора қотиллик қиссаси" сара асарларидан бири ҳисобланади.

Bahor keldi seni so'roqlab

XX asr o'zbek she’riyatining zabardast vakillaridan biri, davlat arbobi Zulfiya Isroilova bugungi kun o‘quvchilari uchun yaxshi tanish. Maktab darsliklarida shoiraning qator she’rlarini mutolaa qilganmiz. Vatan, muhabbat, vafo, ezgulik t.uyg‘ulariga yo‘g‘rilgan she’rlari barchamizning ko'nglimizdan munosib joy olgan. Mazkur kitob Zulfiya tavalludining 100 yilligiga bag'ishlab nashrgatayyorlandi. Undan shoiraijodidagi eng sara she’rlar o'rin olgan. Aziz o'quvchilarimiz ushbu to'plamni o ‘qib, mutolaa zavqidan bahramand boladilar, degan umiddamiz.

Bizning shahrimizda o`g`ri yo`q

Nashriyotimiz siz aziz kitobsevarlarni lotin Amerikasi adabiyoti durdonalari bilan ham tanishtirishni niyat qilgan.Qo`lingizdagi, Gabriel Garsiya Markesning "Bizning shaharimizda o`g`ri yo`q" hikoyasi hamda Migel Otero Silvaning "Yig`lagim kelsa ham yig`lamayman" romanlari joy olgan mazkur kitob boshlagan xayrli ishimizning debochasidir.

Шайбонийнома

Муҳаммад Солиҳнинг "Шайбонийнома" достони ўзбек классик адабиётида алоҳида ўрин тутади. Унда темурийларнинг инқирози, янги шайбонийлар салтанатининг қарор топиши билан боғлиқ бўлган тарихий воқеалар қаламга олинган.

Зангори фасл

Маърифатпарварлик ижод аталмиш муқаддас чашмадан кудрат олсагина у абадийликка ва безаволликка дахлдор бўлмоғи мумкин. Истеъдодди шоир Асад Сафар ва у муаллимлик қилаётган маърифат даргоҳининг талабалари ижодидан жамланган уш бу китоб биз учун ҳамиша долзарб бўлган Ватан муҳаббатини ўзида жамлаган.

Мезон буржи

Сиз Асад Дилмуродни «Осмоннинг бир парчаси» илк ҳикояси ва шу ном остида босилган биринчи китоби (1978) орқали биласиз. Ўшандан буён ўтган вақт мобайнида адиб босқичма босқич самарали ижод қилди, элга фақат ҳикоянавис эмас, қиссанавис ва романнавис сифатида ҳам танилди. Ҳамон тинимсиз изланаётган ёзувчи одам ва одам тушунчаларига бадиий-эстетик ва фалсафий нуқтаи назардан ёндошади, замон билан маконни бирлаштирувчи моддий ва маънавий омиллар моҳиятини қаҳрамонлари руҳий драмаси билан умумлаштирган ҳолда тал- қин қилади. Китобга кирган қиссаларини ўқир экансиз, олис тарих нафасини туясиз, эзгулик ҳамда ёвузлик ўртасидаги азалий ва абадий тўқнашувларга гувоҳ ўтасиз, яна ҳам муҳими, ўзаро ажралиб турадиган ва эсда қоладиган турли-туман қиёфахарактерга эга бўлган бадиий образлар оламида яшайсиз.

Таскин

Қўлингиздаги ушбу мўьжазгина тўплам аслида кичкина эмас. Унда хаёл ва ҳаёт орасида тентираб юрган бир шоирнинг кўнглидан кечирганлари жамланган. Шу боисдан ҳам, у гоҳ маҳзун, гоҳ тушкун, гоҳида жўшқину гоҳида сокин туйғулардан сўзлайди сизга. Умид қиламизки, бу тўплам аржуманд истар кўнгилларга таскин бўлади.

Харобадан чиққан машҳурлар

Қўлингиздаги китоб ўз даврининг машҳур кишилари, ҳаётдаги муваффақият қозонган инсонлар ҳақида. Улар омма эътиборига тушиб, олқишлар олишган, диққат-эътиборда бўлишган. Бу инсонлар умр йўлларида ҳамиша ҳам омадга эришавермаганлар, албатта. Ҳаётдаги катта-кичик тўсиқлар, қарама -қаршиликлар, турли-туман зиддиятлар, замон ва макон билан боғлиқ нотутаносибликлар уларни ҳам четлаб ўтмаган.

Shiroq

Nomi tarixiy manbalarda saqlanib qolgan ajdodimiz Shiroq yosh avlodni vatanparvarlik ruhida tarbiyalashda benazir namuna bo‘lguvchi eng yorqin siymolardan biridir. A. Sa’dullaning «Shiroq» qissasi nashr etilgach, vatanparvarlik m avzusidagi mavjud badiiy asarlar orasida munosib o‘rin olib, barcha kitobxonlar tomonidan sevib o‘qiladi, deya ishonch bildirish mumkin.