Unilibrary. Oliy ta'lim muassasalarining yagona elektron kutubxona axborot tizimi.

Қил устидаги тақдир. Қ. 1

Қимор - ўртага пул, буюм, кўчмас мулк, ҳатто тирик жон тикиб ўйналадиган ўйин. Миср фиръавнларининг дахмаларини қазиш чоғида қимор ўйинларида ишлатиладиган суяклар, Шумер шоҳлари қабридан эса рақамли кубиклар (нарда тошлари) топилган. Милоддан аввалги V асрда Грецияда тотализатор ўйинлари, яъни пойгачи отларга пул тикиб ўйнаш кенг тарқалди. Илк бор 1861 йилда ҳозирги Монако қироллигининг Монте Карло шаҳрида замонавий қиморхона - казино очилди. Кейинчалик ўйин автоматлари ҳам қимор воситасига айланди. Кимларгадир қарта, ошиқ, ўйин автоматлари, турли лотто ўйинлари эрмак бўлиб туюлиши мумкин. Бироқ бу ўйинлар инсон тақдирига, бахтига, бегуноҳ аёллару болалар ҳаётига таҳдид солиши муқаррар. Шукрки, юртимизда казинолар, турли майда-чуйда қиморхоналар, пул тикиб ўйналадиган бильярдхоналар очиш каби жиноий фаолиятлар тақиқланган. Азамат Коржововнинг "Қил устидаги тақдир" қиссасининг шу вақтгача ўн бир қисми "Бекажон", "Суғдиёна" газеталарида ва "Аъло кайфият" журналида чоп этилган. Қисса илк марта китоб ҳолида нашр этилмоқда. Биринчи китобга уч қисм киритилган бўлиб, унда қимор инсон ҳаётига қандай балолар ёғдириши Лобар исмли аёл ҳаёти мисолида кўрсатиб берилган.

Мусофир гўдак қисмати

Уч ёшли ўғли билан Туркияга борган Лайло исмли жувонга Истанбулдаги дугонаси иш топиб беради. Бадавлат кампирга оқсочлик қилаётган Лайлонинг бошига қулфат тушади: уни кампирнинг қотили сифатида айблашади. Қотил эмаслиги исботлангач, интерпол банкдаги кирдикорлар туфайли ҳибсга олади. Ватанига юборилган Лайлонинг ўғли Жаҳонгир эса Истанбулда қолиб кетади. Россиялик савдогар хотин поездда яширинча Москвага олиб келиб, болани отасига топширмоқчи эди. Бироқ поезд Бокуга етганида, савдогар вафот этиб, Жаҳонгир бир хонадонга тушиб қолади... Азамат Қоржововнинг икки қисмдан иборат "Мусофир гўдак қисмати" қиссасида онасининг хатолари сабаб бошига мисли кўрилмаган оғир саргузаштлар тушган болакайнинг чет эллардаги сарсон-саргардонликда кечган кунлари тасвирланган. II китобга мазкур қиссанинг иккинчи қисми киритилган бўлиб, ёш мусофирнинг Озарбайжон, Россия каби мамлакатлардаги саргузаштлари қаламга олинган.

Миллионер сингари фикрлашни ўрганинг

...Ҳақиқий канадалик миллионер муваффақиятга эришиш тамойиллари ҳақида сўзлаб, одам ўзини ютуққа ва бахтга қандай дастурлаш кераклиги, буни ўз онг ости тасарруфига қай тарзда сингдириши тўғрисида гaпиради...

Ишққа оид қирқ қоида

Ушбу китоб бугунги кунда асарлари замонамиз бестселлерига айланишга улгурган, Туркия ва АҚШ ёзувчиси сифатида танилган Элиф Шафақ томонидан ёзилган. Унда ишқ туйғуси ва одамлар орасидаги ўзаро бир-бирини тушунишдай мураккаб руҳий муаммолар маҳорат билан ёритиб берилган.

Хожа Абдулхолик Ғиждувоний

Шаркшунос олим юздан ортиқ макола,олмишдан ортик илмий,табдбил ва таржима асарлар муаллифи М.Хасаний томонидан тайёрланган ушбу рисолада Шарқ маданияти тарихида ўчмас из қолдирган.

Тонг ҳумори

Ушбу тўпламда жамланган шеърларни ўқиб, Нуруллоҳ сингари истеъдодли ижодкорлар борлигидан қувонмаслигимиз даргумон. Унинг шеърларида водийнинг самимий нафаси уфуриб туради. Ёзганларида гўзалликка ҳавасмандлик, орзу-умидларни юксак пардаларда куйлаганини гувоҳи бўласиз.

Юр, офтобга чиқайлик

Ушбу тўпламда шоир Аюбхон Муҳаммадийнинг ўзигагина хос бўлган оҳангда болаларга битилган шеърлари, тўртликлари, қайдлари ва инглиз тилига таржима қилинган шеърлари жамланган. Бу битикларда ватан, ота-она ва дўстлик мавзулари ҳамда ҳаётга, китобга бўлган муҳаббат ажиб ташбеҳлар билан тараннум этилган.

Мутафаккирлар аҳлоқ ва адолат ҳақида

Одоб ва аҳлоқ, адолат тушунчалари бир занжирнинг чамбарчас халқаларидир. Одоб ва аҳлоқ йўқ макон-у замондан, инсон қалби ва хатти-ҳаракатидан адолат қувғинда ва аксинча, адолат бўлмаган жойдан одоб ва ахлоқ излаш бефойда. Зотан улуғ аждодларимиз ҳам бу умуминсоний неъматларнинг шундай узвий бирликда кўрганлар ва бизга таълим берганлар. Қўлингиздаги ушбу рисолада ҳам улуғ алломаларимизнинг одоб ва ахлоқ, адолат борасидаги қарашлари ўрин олган. Рисола сизнинг китоб жавонингиздан муносиб ўрин олишига ишонамиз.

Дардингни сев

Доктор Санилников томонидан ишлаб чиқилган янги дунёқараш модели, муаллифнинг самарали усул ва стратегиялари сизни нафақат шифо топиш, балки касалликнинг олдини олиш сирларидан воқиф этади. Сиз туйғуларингизни бошқаришингиз, бошқаларнинг ўй-фикрларини ўқишни ўрганасиз. Китоб психотерапия, психология масалалари билан қизиқувчилар ҳамда кенг китобхонларга мўлжалланган.

Бир виждон уйғонур

Аҳмад Лутфий Қозончининг ушбу романида нур ва соя кураши, ҳакалак отган нафси аммора билан собит қаноат аро зиддият, қуюндай босиб келган қабоҳат билан нурдай покиза эзгуликнинг моҳияти ёритилиб берилган. Асар китобхонда нурли, покиза бир туйғу уйғотади. Киши беихтиёр ўйлаб кетади: бузилиб кетаётган дунёни поклик, ҳалоллик, қаноат, меҳр-оқибат асл ўзанга солиши мумкин.

Қәлбимниң қамусы

Бунда автор өзи жасаған дәуирдиң гуўасы сыпатында барлық аласапыран ўақыяларды оқыўшының көз алдына келтириўде пүткиллей өзгеше усыллар тапқан.

Ҳумоюннома

Темурийлар тарихи ҳамиша жаҳон муаррихларининг энг муҳим мавзуларидан бири бўлиб келган. Хусусан, Бобур ва унинг авлодлари ҳақида турли мамлакатларда, турли тилларда жилд-жилд китоблар битилган. ана шу маънода Бобурнинг қизи Гулбаданбегимнинг "Ҳумоюннома" асари Ўрта асрлар Шарқининг бебаҳо тарихий-илмий ёдгорлиги ҳисобланади. Анча ноёблашиб қолган ушбу асарни сизга армуғон этишни лозим топдик.

Бир аср ҳикояти

Ўзбекистон халқ ёзувчиси, таниқли ҳажнавис Неъмат Аминовнинг "Бир аср ҳикояти" асаридаги ҳикоятлар ихчам ва пурмаъно. Улар ҳикматли сўз каби бир ўқиганда хотирада мухрланади, равон ва ибратлидир. Қўлингиздаги тўпламда оддий меҳнаткаш эл фарзанди бўлмиш темирчи устанинг ботинидаги ҳалоллик, меҳнатсеварлик ҳислатлари тажассумини топган.

Адашганлар

Сизнинг ҳукмингизга ҳавола этилаётган "Адашганлар" қиссаси Республика Бош прокуратураси ҳузуридаги солиқ, валютага оид жиноятларга ва жиноий даромадларни легаллаштиришга қарши курашиш Департаменти ходимлари томонидан аниқланиб, фош этилган реал воқеаларга асосланган.

Ислом ҳақида маърузалар

Ғарб олимлари ислом фалсафаси ва тарихини ёритувчи, шариат қонун-қоидаларини очиб берувчи қимматли асарлар яратганлар. И.Голъдцигернинг ушбу китоби ҳам шу мавзуда бўлиб, у нафақат Оврўро, балки араб ва бошқа шарқ манбаларини ҳам кенг ўрганган. Китобхонлар диққатига мазкур асарнинг сўнгги боби ҳавола этилмоқда. Исломшунослик тарихида муайян ўрин тутувчи бу китоб мутахассислар ва кенг китобхонлар оммасига бағишланган.

Муошарат одоби

Ушбу рисолада неча минг йиллик тарихимиз, маданиятимиз, қўйингки, ўзлигимизнинг энг ёрқин намоёндалари қадриятларимиз, аждодлар мероси ва шахс тарбияси ҳақидаги қарашлари мужассам.Унда одоб-аҳлоқ, аёлларнинг турмушдаги ўрни ва оилавий вазифалар ҳам кенг ёритилган. Ушбу рисолада оила ва фарзанд тарбиясида қимматли маслаҳатлар ҳам ўрин олган.